Խտացրած կաթի կապույտ եւ սպիտակ փաթեթավորումը շատերի համար է շաղկապված մանկության քաղցր համի հետ: Բայց  մետաղական կափարիչը բացելով, գտնում ենք սպասվածից ջրիկ կաթնային զանգված, տարօրինակ հոտով, որը հեռու է մեր մանկության արոմատներից: Երեւանի գրեթե բոլոր խանութները ողողված են էժանագին խտացրած կաթի տեսակներով: Բանկայի գինը տատանվում է 380-550 դրամի սահմաններում: Սակայն դժվար չէ նկատել, որ այս ողջ բազմազան տեսականին հիմնականում ներմուծված է  Ուկրաինայի, Ռուսաստանի եւ Բելառուսի 4-5 քաղաքներից, որոնք գտնվում են չեռնոբիլյան աղետից տուժած գոտում: Դրանցից ամենախոշոր արտադրությունն ունի Ուկրաինայի Չերնիգովյան մարզի Իչնյա քաղաքը, որն ընդամենը 175 կմ է հեռու Չեռնոբիլից: Ուկրաինական Գադյաչ քաղաքից Չեռնոբիլ 300 կմ է: Գադյաչից ներմուծված կաթի պահածոները նույնպես ողողում են հայկական վաճառասեղանները: Կարդալ ամբողջությամբ

Հրեական մի հրաշալի անեկդոտ կա: Խաիմին խնդրում են թվարկել երեք ամենաակնառու հրեաներին: Սա թե` իսկ դուք նրանց գործերից դատեք: Բնականաբար` Քրիստոսը, Մարքսը եւ Էյնշտեյնը: Առաջինը մարդկությանը երկնային դրախտ խոստացավ, երկրորդը` երկրային, իսկ երրորդն ապացուցեց, որ թե մեկը, թե մյուսը հարաբերական են: Հիմա մեր կառավարությանն է: Միայն թե` «երեքը մեկում»: Մեռելոցների հիշատակմամբ ու եկեղեցի-պետություն մերձեցմամբ Հայկական լեռնաշխարհը քիչ է մնում անմիջապես երկնային Երուսաղեմում տեղակայեն` մեկ,  թե ելույթները լսես` արդե՛ն իսկ դրախտում ենք ապրում` երկու, իսկ երբ իրական կյանքը դիտարկես, լավագույն դեպքում կպարզես, որ թե մեկը, թե մյուսը ավելի քան հարաբերական են: Կարդալ ամբողջությամբ

Անցած տնտեսական շաբաթը միանշանակ պիտի թանձր հուսահատության շաբաթ որակել այն դիտարկողների համար:

Նախ պարզեցինք, որ մեր կառավարության եթե ոչ գործուն աջակցությամբ, գոնե ոչ անմեղ թողտվությամբ` օֆշորային գոտում գրանցված եւ հանրությանը ոչինչ չասող բրիտանական «Ռայնովիլ» ընկերությունը հասավ իր նպատակին եւ լիովին սնանկացնելով ու քայքայելով «Նաիրիտը»` 70 մլն դոլար պարտքի դիմաց այն հանձնեց Միջպետական բանկին, որի հիմնական բաժնետերը, ինչպես գիտեք, ՌԴ կառավարությունն է: ՀՀ էներգետիկայի եւ բնական պաշարների նախարար Արմեն Մովսիսյանը, հանդիպելով լրագրողներին, առանց կարմրելու եւ մոռացած իրենց իսկ կազմած ամպագոռգոռ ծրագրերի մասին, հերքեց հազար անգամ շրջանառված այն տեղեկատվությունը, որ կառավարությունը երաշխիքներ է տրամադրել «Ռայնովիլին», կառավարության եւ Միջպետական բանկի միջեւ ստորագրված պայմանագիրը որակեց իբրեւ սոսկ «համաձայնագիր եւ ոչ երաշխիք», ապա նույն ստոիկյան հանդարտությամբ ավելացրեց, թե նույնիսկ այս պահին «Նաիրիտով» հետաքրքրվողներ կան, որ գործընթացը հերթական անգամ փորձագիտական փուլում է, եւ այսպես շարունակ: Հերթական աճպարարություն եւ թոզփչոցի այսինքն: Եվ սա այն դեպքում, երբ մարդիկ այստեղ հինգ ամիս աշխատավարձ չեն ստացել, երբ ամեն մի չաշխատած օրն ահռելի վնասներ է հասցնում պետությանը, եւ երբ, մեր տեղեկությունների համաձայն, գործարանում իրականում այլ պրոցես է ընթանում: Ըստ մեր աղբյուրի` ամենաբարձր շրջանակների գիտությամբ ապամոնտաժվում են սարքավորումներ եւ տարվում Իրանում վաճառելու: Ահա եւ ««Նաիրիտի» զարգացման» աշխարհացունց ծրագրի ավարտը: Վերջ բեմականացմանը` ինչպես ասում են… Կարդալ ամբողջությամբ

«Վալեքս» խմբի ընկերությունների նախագահ Վալերի Մեջլումյանը լրագրողների հետ հանդիպման ժամանակ երկարաշունչ ու անընդհատ ներկայացնում էր Հայաստանի եւ Լեռնային Ղարաբաղի տնտեսություններում խմբի կատարած ներդրումների, իրացման ծավալների եւ շահույթի մասին, որ միակն է, բացառիկն է, անմրցելի է, եւ այս ընկերությունների խումբն է զարգացնում ու փրկում երկրի տնտեսությունը. Կարդալ ամբողջությամբ

Այսօր Վարչապետ Տիգրան Սարգսյանն ընդունել է «Հարավկովկասյան երկաթուղիներ» ընկերության տնօրենների խորհրդի նախագահ Վլադիմիր Յակունինի գլխավորած պատվիրակությանը:  Կարդալ ամբողջությամբ

Սովորաբար, տնտեսական շաբաթն ամփոփելիս, ջանում ենք բաց չթողնել եւ ոչ մի դիտարժան դրվագ: Այս անգամ, սակայն, առանձնացնելու ենք մեն մի խնդիր` Կանխիկ գործարքների սահմանափակման նախագծի շուրջ առաջացած աղմուկը, որովհետեւ այստեղ իսկապես ասելիք շատ կա:

Ուղիղն ասած` նախագծի շուրջ առաջացած աղմուկը, որ շաբաթվա հիմնական մեխն էր,  փաստորեն, ինձ մի քիչ տարօրինակ թվաց: Նախ` գործող անձինք կարողացան նույնիսկ լրագրողներին համոզել, որ կոալիցիոն գործընկերոջ «բոյկոտն» իսկական խայտառակություն կամ դավաճանություն է, որ կա: Համարյա աշխարհի վերջ: Եվ բոլորը մի մարդու պես մոռացան, որ ժամանակին, երբ խորհրդարանը դեռ քաղաքական մարմին էր եւ ո՛չ կառավարության դակող մեքենան, նույն ՀՀՇ-ի համար, օրինակ, նույնիսկ բացարձակ մեծամասնության պարագայում, շատ հաճախ դժվար էր լինում այս կամ այն օրենսդրական նախաձեռնության անցկացումը, ու ոչ ոքի մտքով չէր անցնում դրա շուրջ վախճանաբանական տեսություններ կազմել: Իշխանության թեւերի առողջ մրցակցությունն ու տրամաբանությունը բոլորի, այդ թվում թիմակիցների կողմից գոնե տեսանելի մասով օրինաչափ էր ընկալվում: Կարդալ ամբողջությամբ

Գյուղատնտեսության նախարար Սերգո Կարապետյանն այս տարվա առաջին ասուլիսը տվեց՝ իր իսկ նախարարությունում հանդես գալով լրագրողների առաջ: Եթե կարճ ձեւակերպենք ասուլիսի բովանդակությունը, ապա այն մոտավորապես կհնչի՝ ինչե՜ր ենք արել անցյալ տարի, բա հըլը ինչե՜ր ենք անելու էս տարի: Կարդալ ամբողջությամբ

Անցած տնտեսական շաբաթն այն եզակիներից էր, որ ոչ մի կերպ «չէր հավաքվում» եւ նյութ չէր դառնում: Ինչ առանձնացնում էի, ինչի վրա կենտրոնանում էի, միեւնույն է, ֆրանսիական իրադարձություններն ու մեր չափազանցված «մերսիները» գալիս-ամեն բան իրար էին խառնում: Եվ որպեսզի  վերջապես անցնեմ բուն նյութին, աչքիս` պիտի նախ վերոնշյալ թեման փակենք: Կարդալ ամբողջությամբ

Անցած տնտեսական շաբաթն անշուշտ կարելի է բնապահպանական համարել: Նախ` բնապահպանները մի խումբ ակտիվիստների հետ միասին բողոքի էկո-արշավ կազմակերպեցին դեպի Թեղուտ, այնուհետ հանդիպեցին վարչապետին, որը, բռունցքը սեղանին խփելով, խոստացավ սենսացիոն հայտարարություն անել Քաջարանի հետ կապված, որովհետեւ պատկան մարմինները մոլորեցրել են իրեն սխալ տեղեկատվությամբ, դրանից հետո պարզվեց` հայտնի գործարարուհի Սիլվա Համբարձումյանն է նոր հանք շահագործում Սյունիքում, ինչը կրկին բնապահպանական խնդիրներ է առաջացնելու մեր երկրի համար, դրանից հետո էլ տեղեկացանք, թե Սյունիքի քաջարի մարզպետն է Կապանի Ծավ գյուղում երկու ՀԷԿ կառուցել: Հանգամանք, որ զայրացրել է գյուղացիներին, քանի որ ՀԷԿ-ը կառուցվելու է Բասուտա գետի վրա, որտեղ արդեն մի ՀԷԿ կառուցվել է… Կարդալ ամբողջությամբ

Համաշխարհային բանկը հայտարարել է, որ աշխարհին նոր տնտեսական ցնցում է սպասվում, որը կարելի կլիներ համեմատել 2008-09 թվականների տնտեսական ճգնաժամի հետ, եւ կոչ է արել բարձր եւ զարգացող, ցածր եկամուտ ունեցող երկրներին պատրաստվել դիմագրավելու փորձությանը: Տարբեր երկրներում արձագանքները տարբեր են եղել: Կարդալ ամբողջությամբ