Մենք արդեն գրել էինք այն մասին, որ մի խումբ այրեր նախաձեռնող խումբ են ձեւավորել եւ Հանրային խորհրդին  ներկայացրել «Հաղթանակ» զբոսայգու բարձունքին «Նոյյան տապան» գիտակրթական համալիր կառուցելու առաջարկը: Երեկ Հանրային խորհրդի նիստում քննարկման էր դրվել այդ հարցը. նախագծի մասին նախ խոսեց նախագծի հեղինակ, իրականացնող, գլխավոր պատասխանատու, «Արմարե» ընկերության նախագահ Մարտուն Հարությունյանը, ով ներկայացրեց «Նոյյան տապանի» մոտավոր չափերը, թե ինչից է այն պատրաստվելու, ապա տեղեկացրեց, որ 1-ին հարկում՝ թանգարանում, տեղավորվելու է Նոյյան տապանի «անձնակազմը»՝ 8 մարդու եւ 120 կենդանու կրկնօրինակներով հանդերձ: Կարդալ ամբողջությամբ

Դեռեւս 2011թ. մի խումբ մտավորականների աջակցությամբ ստեղծվել է նախաձեռնող խումբ, որն օրերս հանդես է եկել Երեւանի «Հաղթանակ» զբոսայգու բարձունքում, Արարատ լեռան դիմաց «Նոյյան տապան» պատմամշակութային գիտակրթական համալիր կառուցելու առաջարկությամբ, որն ի դեպ պատրաստվելու է իրական չափերով եւ բնական նյութերից՝ ըստ Աստվածաշնչի: Առաջարկն այսօր քննարկվելու է Հանրային խորհրդի ենթահանձնաժողովի նիստում, նախաձեռնող խմբի մեջ են Սոս Սարգսյանը, Արամայիս Սահակյանը, Մերուժան Տեր-Գուլանյանը, Լեւոն Թոքմաջյանը, Կարեն Աղամյանը, Թորոս Ումրիկյանը, Մարտուն Հարությունյանը: «Սկսենք նրանից, որ, կոպիտ ասած, Նոյյան տապանը պատկանում է մեզ, որ իջել էր Արարատի վրա, իսկ Արարատը մեր լեռն է»,- մեզ հետ զրույցում ասաց գրող, հրապարակախոս Մերուժան Տեր-Գուլանյանն ու նշեց, որ տապանի կառուցումը Հայաստանում տուրիզմը զարգացնելու նպատակ ունի, ու չնայած տրամաբանորեն ճիշտ կլիներ, որ Նոյյան տապանը կառուցվեր Արարատ լեռան վրա, բայց քանի որ այդ հնարավորությունն այսօր դեռ չունենք, պիտի բավարարվենք «Հաղթանակ» զբոսայգու բարձունքով: Կարդալ ամբողջությամբ

Հանգստյան օրերին ԶԼՄ-ների եւ սոցիալական ցանցերի թիվ մեկ քննարկման թեման դերասան Սերգեյ Դանիելյանի «Ejournal»-ում տպագրված «Հոդված էկոլոգիայի մասին» հրապարակումն էր, որտեղ էկոլոգիական խնդիրների ֆոնին վերջինիս արտահայտած որոշ մտքեր հարուցել էին լոռեցիների զայրույթը, ավելին` «Ֆեյսբուքում» հաշված րոպեներում խումբ բացվեց, որտեղ մի խումբ` հիմնականում լոռեցի օգտատերեր, հայտարարություն էին տարածել, պահանջելով հրապարակավ ներողություն խնդրել Լոռու մարզի բնակչությունից՝ հասցված վիրավորանքի համար: Ու հենա հա՜, մարդիկ պատրաստվել էին թատերական աննախադեպ մի շոուի ականատես լինել, երբ բոլորովին անսպասելի եւ միանգամայն քաղաքակիրթ ձեւով Սերգեյ Դանիելյանը «մատ» արեց բոլորին, հրապարակավ ներողություն խնդրելով լոռեցիներից ու ոչ միայն նրանցից, ինչպես նաեւ խնդրելով չշեղվել հոդվածի բուն նյութից ու այն խնդիրներից, որ մտահոգում են բոլորիս: Կարդալ ամբողջությամբ

Երեկ ՀՀ վարչապետ Տիգրան Սարգսյանը վերջապես ընդունել է Հովհաննես Թումանյանի վաճառվող տան հետքերով Թբիլիսի գործուղված ու վերադարձած պատվիրակությանը: Խորհրդակցությանը մասնակցել են ՀՀ մշակույթի նախարար Հասմիկ Պողոսյանը, ԱԳ փոխնախարար Շավարշ Քոչարյանը, ՀԳՄ նախագահ Լեւոն Անանյանը եւ Թումանյանի թոռնուհին՝ Իրմա Սաֆրազբեկյանը: Խորհրդակցության ընթացքում Իրմա Սաֆրազբեկյանը տեղեկացրել է, որ Թումանյանի տունն արդեն գնորդ ունի, որը մտադրություն է հայտնել գնելուց հետո այն նվիրել Թբիլիսիի հայկական համայնքին՝ հետագայում մշակութային կենտրոնի վերածելու պայմանով: Իսկ վարչապետի հանձնարարականով ԱԳ նախարարը բնակարանի վաճառքից հետո վրացական կողմի հետ կքննարկի այն համայնքին հանձնելու հետ կապված իրավական հարցերը: Կարդալ ամբողջությամբ

Օրեր առաջ հեռուստաեթերով Երգի պետական թատրոնի գեղարվեստական ղեկավար Արթուր Գրիգորյանի հարցազրույցը մեծ արձագանք գտավ թե համացանցում եւ թե մամուլում, իսկ Արթուր Գրիգորիչը մի քանի րոպեում ձեռք բերեց Կնքահոր՝ Դոն Կոռլեոնեի նախանձելի հեղինակությունը. «Յութուբ», մամուլ, սոցիալական ցանցեր՝ միանգամից հեղեղվեցին իտալական մաֆիայի կինոների ոգուն համահունչ վերնագրերով՝ «Կնքահոր խոստովանությունները», «Հայ փոփի կնքահոր կարծիքը»…  Քաղաքը լծվեց՝ քննարկելու «կնքահոր» մտքերն ու գանգստերական էլիտայի համարում ու կարեւորություն ստացած հայկական շոու-բիզնեսի ճիշտ ու սխալ կատարողներին, նրանց երգացանկը, հագուկապը, ազգային, ապազգային գործունեությունը, իրենց երգերով թուրքերի ջրաղացին ջուր լցնելը: Կնքահայրը չէր «խնայել» ոչ ոքի, Սիրուշո, Էմմի, Ադրե, Արամե, Սիլվա Հակոբյան, Վահրամ Պետրոսյան, Լիլիթ Հովհաննիսյան: Բայց եթերով «կնքահոր» խոստովանությունն ավելի շատ ժպիտ էր առաջացնում, քան զարմանք, նախ, որովհետեւ այլեւս զարմացնելու բան չկա, եւ հետո՝ վաղուց արդեն ամեն ինչ ասվել է: Բայցեւայնպես «կնքահոր» դեմքի մոլոր արտահայտությունը լուսնից իջած անտեղյակ մարդու տպավորություն էր թողնում, որը նոր-նոր է քնից արթնացել եւ ահա մնացել է զարմացած այն բոլոր ձայներից, որ իր շուրջը հնչում են:

«Կնքահայրն» ասում է՝ ես այնպես եմ ուզում մի օր Արամեին տեսնել եւ ասել՝ այդքան խելոք տղա ես, ինչո՞ւ ես դա երգում…. եթե ապրեինք Չինաստանում, ապա տրամաբանական է, որ այդ երկրի ազգաբնակչության թվաքանակի պայմաններում մարդ տեսնելը մի քիչ բարդ հարց է, բայց չէ՞ որ մենք ապրում ենք մի փոքրիկ քաղաքում, որտեղ ամեն ձայնասկավառակի, համերգի, միջոցառման, հաղորդման ժամանակ կարող ես նույն մարդուն անգամ օրը մի քանի անգամ տեսնել, հիմա եթե ուզում ես տեսնել՝ տես, ո՞վ է խանգարում:

«Կնքահոր» անգամ քննադատական խոսքերի տակ կարելի էր նկատել իր սաների գովքը, նա մի ձեռքով թեթեւակի ապտակում էր, մյուս ձեռքով շոյում նրանց փառասիրությունը: Այդպես նա մի երկու թթու խոսք ասելով Արամեի ու Սիլվա Հակոբյանի հասցեին, նրանց ժողովրդականությունն այնքան բարձր գնահատեց, որ անգամ մատաղ սերնդի դաստիարակության հարցը դրեց նրանց ուսերին՝ եթերից կատարողներին հարց ուղղելով՝ չե՞ք ուզում նաեւ դաստիարակեք…

Գրիգորիչն «անխնա» քննադատեց նաեւ տեղական բոլոր մրցանակաբաշխությունները, բայց մյուս կողմից էլ նշեց, որ դրանից մեկում ժյուրիի նախագահ էր, այսինքն մեզ մոտ մարդկանց լեզուն բացվում է այն ժամանակ, երբ ոտքերդ վազելու հնարավորություն են ստանում: «Կնքահոր» խոսքերը գուցե համոզեին ու հավատ ներշնչեին, եթե չլիներ մի հետաքրքիր նյուանս. ամիսներ առաջ, երբ շոու-բիզնեսի կնքահայրն իր աղջկա հարսանիքն էր նշում ռեստորանային համալիրներից մեկում, այդտեղ հրավիրվել էին նույն այդ շոու-բիզնեսի, 6/8-ի երգիչ-երգչուհիները, ովքեր իրենց կատարումներով ծաղկացրել էին կնքահոր աղջկա հարսանիքը: Այսինքն՝ մի կողմից ընդունելի է այդ մարդկանց մատուցած երգ-երաժշտությունը, երբ դա հնչում է իր աղջկա հարսանիքին, բայց մյուս կողմից էլ խնդիր է առաջանում պահել ճշմարիտ ուսուցչի հեղինակությունը, «կնքահոր» արդարամտությունը, միայն թե ուսուցիչը դասեր տալուց բացի նախեւառաջ իր օրինակով է ուսուցանում, հետո ճշմարիտի ու իրենց հավատարիմ մնալու ուղիները մատնանշում:

Անի Առաքելյան

Հայ հանդիսատեսն այնքան երկար ծափահարեց անգլիացի ջութակահար Ռոման Սիմովիչին, որ վերջինս 3 անգամ հետ վերադարձավ բեմ, իսկ վերջին անգամ հեռանալուց առաջ հավելյալ կատարում նվիրեց երեւանյան հանդիսատեսին, որից հետո միայն նրան «բաց թողեցին»: Հունվարի 26-ի երեկոյան «Արամ Խաչատրյան» համերգասրահում դասական երաժշտության տոն էր, որին մասնակից դարձան հազարավոր երեւանցիներ: Հայաստանի պետական երիտասարդական նվագախումբը (գեղարվեստական ղեկավար եւ գլխավոր դիրիժոր Սերգեյ Սմբատյան) տոնում էր իր 6-ամյակը, որի առթիվ թողարկել է «Music is the answer» ձայնասկավառակը: Համերգին նաեւ մասնակցում էր Լոնդոնի սիմֆոնիկ նվագախմբի մենակատար, միջազգային մրցանակների դափնեկիր, հայտնի ջութակահար Ռոման Սիմովիչը, որին հայ հանդիսատեսը ջերմությամբ ընդունեց:

Հեղինակային ֆիլմի լեգենդներից մեկը` Թեո Անգելոպուլոսն իր նոր՝ «Ուրիշ ծով» ֆիլմը նկարահանելիս փորձում է անցնել իր վերջին փողոցը եւ ընդհատվում է: Ինչ-որ մեկը, հույնը, որը երեւի գիտեր ու տեսել է Անգելոպուլոսի ֆիլմերը, ոստիկանի մոտոցիկլով վրաերթի է ենթարկում ռեժիսորին, որ ամպեր էր սիրում ու նրանց պես տարածությունում հոսող երկար, շատ երկար, դանդաղ, շատ դանդաղ կադրեր: Թեոյի ֆիլմերը սիրելու իմ պատճառը մեկն է` տխրությունը: Նրա տխրությունը չպարտադրվող է, անսահման ու կարոտով լի: Անգելոպուլոսի հերոսները վերադառնում են անցյալ, որպեսզի կրկին վերապրեն երջանկության այն կորցրած բերկրանքը, որ հավերժացնում է մարդկային ամենավեհ զգացմունքը` սերը. նրանք վերադառնում են` չենթարկվելով ժամանակի կանոնիկ չափումներին, շարժումից անցում կատարելով դեպի առեղծվածային ակնթարթ: Կարդալ ամբողջությամբ

Հունվարի 23-ի լույս 24-ի գիշերը Ֆրանսիայի խորհրդարանի Վերին պալատը՝ Սենատը, 7.5-ժամյա քննարկումից հետո 126 կողմ եւ 86 դեմ ձայներով ընդունեց ցեղասպանությունների ժխտումը քրեականացնելու մասին օրինագիծը, որը պատիժ է նախատեսում բոլոր նրանց համար, ովքեր կժխտեն, որ 1915-ի հայերի զանգվածային սպանությունները ցեղասպանություն են: Սենատի որոշումը մեծ արձագանք գտավ ինչպես հայկական, ֆրանսիական հասարակություններում ու ԶԼՄ-ներում, այնպես էլ թուրքական: Եվ եթե Հայաստանի համար դա պատմական արդարության դրսեւորում էր, ապա թուրքական կողմից այն որակվեց որպես «մեծ անարդարություն»: Կարդալ ամբողջությամբ

Հայաստանի պետական ֆիլհարմոնիկ նվագախմբի գեղարվեստական ղեկավար եւ գլխավոր դիրիժոր Էդուարդ Թոփչյանը, չնայած իրեն առաջարկվող լավ պայմաններին ու բազմաթիվ առաջարկներին, չի պատրաստվում Հայաստանից գնալ եւ Ֆիլհարմոնիկի կողքին է լինելու: Այդ մասին լրագրողների հետ հանդիպման ժամանակ ասաց հենց ինքը՝ Թոփչյանը, բայց, այդուհանդերձ, իր օրինակով նրան չի հաջողվել հետ պահել Հայաստանից հեռացող մի քանի երաժիշտներին: «Մի քանիսին կորցրեցինք, եւ դա բնական է, որովհետեւ մարդկանց ավելի լավ պայմաններ են առաջարկում՝ գնում են, հիմա պետք է այնպես անենք, որ ավելի չկորցնենք, սիրով չեն գնում, բայց ստիպված… էն մարդիկ, որ Ֆիլհարմոնիկի կողքին են՝ մեր նախագահը, մեր «Վիվասելը», ես հույս ունեմ, որ ժամանակի ընթացքում իրենք էլ ամեն ինչ կանեն, որ էլ ավելի լավ լինի, ես նրանցից անսահման շնորհակալ եմ»,- իր խոսքում երախտագիտություն հայտնեց Թոփչյանն ու հեռացող երաժիշտների ֆոնին շտապեց տեղեկացնել, որ մի հոգու էլ մեզ է հաջողվել բերել Հայաստան, որը տարեկան 5-6 ամիս կաշխատի նվագախմբում. Կարդալ ամբողջությամբ

Օրեր առաջ Հովհաննես Թումանյանի թբիլիսյան տան շուրջ բարձրացված աղմուկը, կառավարության օպերատիվ արձագանքը, ինչպես նաեւ ՀԳՄ նախագահ Լեւոն Անանյանի գլխավորությամբ «փրկարար» ջոկատի գործուղումը Թբիլիսի շատերին զարմացրեց, բայց կրկնակի զարմացրեց այն փաստը, երբ պատվիրակությունը տեղում հայտնվելուն պես պարզեց, որ վրացի գործարարը մտադրություն չունի Թումանյանի տունը վաճառել. անգամ իմանալով, որ տունը պատկանել է հայ մեծանուն գրողին, չի համարձակվել նույնիսկ տանը կպչել՝ նորոգել, ուղղակի որոշել է ամուսնանալ եւ քանի որ այլ բնակարան չունի, պատրաստ է տունը փոխանակել այդ թաղամասում գտնվող մեկ այլ համարժեք բնակարանի հետ: Իսկ փոխանակում նշանակում է, որ հայկական կողմը պետք է առնվազն 70 հազար դոլար տրամադրի եւ գնի Թումանյանի տունը վրացուց: Կարդալ ամբողջությամբ