«Ես ասել եմ՝ մրցակից չունեմ, իմ մրցակիցը մարդկանց մեջ նստած վախն է, արժանապատվության պակասը, ստորաքարշությունը, ընչաքաղցությունը եւ փողը»,- երեկ լրագրողների հետ հանդիպման ժամանակ ասաց ՀԱԿ նեկայացուցիչ Արշակ Բանուչյանը, որ մեծամասնական ընտրակարգով պատգամավորի թեկնածու էր առաջադրվել թիվ 11 ընտրատարածքում: Ինչից որ վախենում էին ՀԱԿ-ը եւ մյուս ընդդիմադիրները, իրականացավ, ինչն էլ համարում են իրենց՝ քիչ ձայներ հավաքելու պատճառը: Այդուհանդերձ, Բանուչյանը նշեց. «Ես չեմ ուզում, որ ժողովուրդն այս ընտրությունների արդյունքում զգա այնպիսի հիասթափություն, որ արտագաղթը մեծանա: Ամենամեծ բանը, որից ես հիմա անկեղծորեն անհանգստանում եմ, արտագաղթն է: Ես կուզեմ, որ բոլորը մնան եւ կռիվ տան»: Կարդալ ամբողջությամբ

ՀՀԿ վերնախավի ներկայացուցիչները ուսերը վեր են քաշում, երբ նրանց հարցնում ես, թե հնարավո՞ր է, որ նորից կոալիցա կազմեն ԲՀԿ-ի հետ, թե՞ այս անգամ միայնակ իրենց վրա կվերցնեն կառավարություն ձեւավորելու պատասխանատվությունը: «Մենք ոչ մի բան չգիտենք. հնարավոր է, որ կոալիցա լինի, հնարավոր է, որ չլինի, մի շաբաթից պարզ կլինի: Նույնիսկ չգիտենք, թե բանակցություններ սկսվա՞ծ են, թե՞ ոչ»,-ասում են ՀՀԿ-ականները: Կարդալ ամբողջությամբ

Ճիշտ մեկ շաբաթ է՝ «Ապամոնտաժենք կեղեքող համակարգը», «Փակուղուց ելքը այլընտրանքային ընտրություններն են», «Ֆիլտրացիայի ենթարկել իշխանությանը» կարգախոսներով Կենտրոնական ընտրական հանձնաժողովի դիմաց հացադուլ է անում Մարտի 1-ի դեպքերի ուսումնասիրության ժամանակավոր հանձնաժողովի անդամ Արտավազդ Վարդանյանը: Չնայած կարգախոսներին, նա այդպես էլ հստակ չձեւակերպեց հացադուլ հայտարարելու բուն նպատակը: Կարդալ ամբողջությամբ

Թեեւ ՀՀԿ-ն խորհրդարանական ընտրությունների արդյունքում բացարձակ մեծամասնություն է ստացել, նախնական տվյալներով իր օգտին գրանցելով համամասնական ընտրաձայների մոտ 44 տոկոսը, այնուամենայնիվ, ընտրությունների ժամանակ գրանցած արդյունքներից կախված, որոշ մարզպետների քաղաքական ապագան, ըստ որոշ լուրերի, խիստ վտանգված է: Եվ ըստ ամենայնի, առաջիկայում պաշտոնանկ են արվելու առաջին հերթին այն մարզերի ղեկավարները, որոնցում ՀՀԿ-ն կամ պարտություն է կրել, կամ համեմատաբար քիչ առավելություն է ունեցել ԲՀԿ-ի համեմատ: Կարդալ ամբողջությամբ

Պարզվում է՝ հայոց ոստիկանները հասարակական կարգը վերահսկում են նաեւ վիրտուալ աշխարհում: Վերջին օրերին «Ֆեյսբուք» սոցիալական ցանցում, ի թիվս այլ ոստիկանների,  գրանցվել է նաեւ Երեւանի ոստիկանապետի տեղակալ, ակցիաներն ու միտինգները ցրելու վարպետ հայտնի Բազազը՝ Ռոբերտ Մելքոնյանը: Թերեւս վիրտուալ կյանքում հայտնվելով՝  համազգեստավորներն իշխանության հանդեպ «դավադրություններ» կազմակերպող ակտիվիստների  ծրագրերին ի սկզբանե տեղեկացվելու հնարավորություն կունենան եւ իրավիճակն ավելի շուտ կանխելու միջոցառումներ կձեռնարկեն: Նկատենք, որ վերջին շրջանում հենց սոցիալական ցանցերում սկիզբ առած քննարկումների արդյունքում էլ հասունանում է այս կամ այն անօրինականության դեմ բողոքի ցույցեր կազմակերպելու պահանջը: Այնպես որ չի բացառվում, որ ակտիվիստների ու համազգեստավորների պայքարը տեղափոխվի վիրտուալ աշխարհ, թերեւս այսպես ավելի անվնաս է՝ զերծ կմնան մարմնական վնասվածքներից:

Մեզ հասած տեղեկություններով, ոչ միայն հանրապետականներն են բացասաբար տրամադրված Վարդան Օսկանյանի նկատմամբ, այլեւ ինքը՝ նախագահը: Սերժ Սարգսյանը ՀՀԿ-ական վերնախավի մոտ նախկին արտգործնախարարի մասին արտահայտվել է որպես «ստուկաչի»: Սարգսյանը դա ասել է, նկատի ունենալով այն փաստը, որ երբ բոլոր ԲՀԿ-ականները հերքում էին Ծառուկյանի մոտ զենքի առկայությունը, Օսկանյանը հայտարարեց, որ Ծառուկյանի մոտ զենք է եղել, դրանով անհարմար վիճակի մեջ դնելով Ծառուկյանին եւ ամբողջ ԲՀԿ-ին: Գողական կանոններով, Օսկանյանը պարտավոր էր սուտ ասել եւ հերքել զենքի փաստը, ինչպես անում էին մյուս ԲՀԿ-ականները:

Խորհրդարանական ընտրություններից հետո երեկ կառավարության առաջին նիստն էր, որը տեղի ունեցավ պատգամավոր-նախարարների մասնակցությամբ: Տաղտուկ նիստի տպավորիչ մասն այն էր, որ աշխատանքի եւ սոցիալական հարցերի նախարար Արթուր Գրիգորյանը, ինչպես նաեւ քաղաքաշինության նախարար Վարդան Վարդանյանը չէին ամրացրել կուսակցական նշանները: Ի դեպ, մեր տեղեկություններով, այս օրերին  հատկապես անտրամադիր է ԲՀԿ-ական նախարար Վարդան Վարդանյանը: Ասում են՝ նա ողջ օրը ենթականերից փորձում է ճշտել, թե ինչ լուրեր գիտեն  իրենց՝ ԲՀԿ-ականների հետագա պաշտոնավարման վերաբերյալ: