Ցանկացած իրադարձություն՝ լինի դա մշակութային թե քաղաքական, իր արժանի գնահատականը ստանում է ժամանակի մեջ եւ ժամանակի մտավորականների կողմից: ԱԺ խորհրդարանական ընտրությունների, դրա արդյունքների մասին զրուցեցինք մեր ժամանակակից գրողներից մի քանիսի հետ, փորձելով պարզել նրանց գնահատականներն ու դիտարկումներն այս հարցի շուրջ: Կարդալ ամբողջությամբ

«Ես ամառանոց վերադարձա մեկուկես տարի հետո` հրաժարվելով իրավաբանությունից, հրաժարվելով իմ անունից, հրաժարվելով աշխատանքից, հեռախոսից, ինքս ինձնից: Հրաժարվելով՝ ես կրկին գտա իմ անցյալն ու ներկան, իմ հիշողությունը՝ իմ միակ ազատությունը`վերջին կղզին»,-գրում է արձակագիր Արամ Պաչյանն իր «Վերջին կղզին» ինքնակենսագրական էսսեում: Կարդալ ամբողջությամբ

Օրերս «Մոսկվա» կինոթատրոնում տեղի ունեցավ Հենրիկ Մալյանի անվան կինոդերասանի թատրոնի գեղարվեստական ղեկավար, ռեժիսոր Նարինե Մալյանի «Որդու ծննդյանը սպասող հյուսնը» կարճամետրաժ ֆիլմի պրեմիերան: Ֆիլմն էկրանավորվել է Աղասի Այվազյանի «Դանիել մշտաբնակը» պատմվածքի հիման վրա, սցենարի հեղինակն է Արտյոմ Մելքումյանը: Որդու ծննդյանը սպասող Դանիելն ամեն օր նույն կյանքն է ապրում. լուսաբաց, կնոջ նախատինք, երեխաների լուռ տառապանք, դառը քուն… աղքատ ու խեղճ մի մարդ, ով իր օրվա հացը վաստակում է հյուսնությամբ: Կարդալ ամբողջությամբ

Առաջին անգամ Ստամբուլում ես հասկացա, թե ինչ է նշանակում գենետիկ հիշողություն, ու չնայած օդանավակայանում խանչալը ձեռքին ինձ ոչ ոք չէր սպասում, բայց, միեւնույն է, առաջինը, ինչ զգացի Թուրքիայում` կասկածն էր ու վախը, այլ կերպ հնարավոր էլ չէր: Հայրս մի քանի օր շարունակ խմում էր ու իր «դարդի» մասին բոլորին պատմում, թե ոչ ոք իրեն չի հասկանա, ու ոնց որ իր մինուճար որդուն ուղարկի բանակ, այն էլ` հայ-ադրբեջանական սահման:Ի տարբերություն հորս, մայրս ավելի լուռ էր եւ միայն ժամանակ առ ժամանակ զգուշացնում էր ինձ, որ ոչ մի դեպքում մենակ դուրս չգամ փողոց: Ընկերուհիս էլ խորհուրդ էր տալիս, որ լինեմ ուշադիր ու հանկարծ անձնագիրս չկորցնեմ Թուրքիայում, որովհետեւ դա միակ երկիրն է, որի հետ Հայաստանը չունի դիվանագիտական կապեր: Մի խոսքով, Ստամբուլում կորելու, անձնագիրս կորցնելու ու հետն էլ հայաստանցի լրագրողի խնդիրը թուրքական մամուլի էջերում բարձրացված տեսնելու մտապատկերով էլ վերջապես հասա Ստամբուլ: Կարդալ ամբողջությամբ