ՀԱԿ նախընտրական դաշինքի թեկնածու Ղուկաս Մեհրաբյանն օրերս նամակով դիմել է ՀՀ Սահմանադրական դատարանի նախագահ Գագիկ Հարությունյանին եւ ՀՀ կենտրոնական ընտրական հանձնաժողովի նախագահ Տիգրան Մուկուչյանին` խնդրելով պարզաբանել, թե որքանով է օրինական ՀՀ նախագահ Սերժ Սարգսյանի մասնակցությունը ՀՀԿ քարոզարշավին, արդյո՞ք, համաձայն Սահմանադրության եւ գործող օրենքների, հանրապետության նախագահն ԱԺ եւ տեղական ինքնակառավարման մարմինների ընտրությունների ժամանակահատվածում կարող է առաջնորդել որեւէ կուսակցության, պատգամավորի, քաղաքապետի կամ գյուղապետի, երկարաժամկետ նախընտրական քարոզարշավ անել, եւ ո՞վ պետք է իրականացնի նախագահին վերապահված սահմանադրական եւ այլ օրենսդրական պարտականությունները: Կարդալ ամբողջությամբ

 Հրազդան քաղաքի հանրապետական քաղաքապետ Արամ Դանիելյանը, ով նաեւ ՀՀԿ տարածքային պատասխանատուն է, որոշել է սատարել Հրազդանում առաջադրված ԲՀԿ-ական թեկնածու Դավիթ Քոչարյանին, թեեւ դա իր, ոչ թե ՀՀԿ-ի որոշումն է: Միեւնույն ժամանակ մեր խմբագրությունը բողոք է ստացել հրազդանցիներից, որ Հրազդանի փողոցները քանդված են: Քաղաքապետը հավաստիացնում է, որ «Հրազդանում դեռ ձյունը չի հալվել», որ իրենք սկսեն կառուցապատել քանդված փողոցները: Հիշեցնենք, որ օրերս այստեղ ինքնաբացարկ հայտնեց մեծամասնականով առաջադրված ՕԵԿ թեկնածու, կապի եւ տրանսպորտի նախարար Մանուկ Վարդանյանը: Երեկ մենք մի քանի հարց ուղղեցինք Հրազդանի քաղաքապետին: Կարդալ ամբողջությամբ

Նախընտրական շրջանում Ընտրական օրենսգիրքը եւ «Կուսակցությունների մասին» օրենքն ամենաշատը խախտում են իշխող կոալիցիայի մաս կազմող կուսակցությունները` ՀՀԿ-ն, ԲՀԿ-ն եւ ՕԵԿ-ը, որոնք այս օրերին պետական պաշտոններն ու ռեսուրսն օգտագործում են սեփական կուսակցությունների քարոզչության համար: Սա խորհրդարանական ընտրություններում որպես դիտորդ ներգրավված «Գերագույն խորհուրդ պատգամավորական ակումբի» դիտարկումներն են: Կարդալ ամբողջությամբ

Երեկ Նոր Նորք համայնքում` Գայի արձանի հարեւանությամբ տեղի ունեցած ՀՀԿ նախընտրական հանդիպմանը Սերժ Սարգսյանի ելույթը բավական կարճ տեւեց, ավելի երկար էր հայկական էստրադայի երգիչների համերգը: Թերեւս դա էր պատճառը, որ հավաքվածներն ավելի տպավորված էին համերգից, թեեւ նրանց մեջ Հանրապետականին հավատացողներ էլ կային` հիմնականում ՀՀԿ անդամներ: Կարդալ ամբողջությամբ

ԲՀԿ համամասնական ցուցակի 10-րդ հորիզոնականը զբաղեցրած Միքայել Մելքումյանը մասնագիտությամբ տնտեսագետ է, Տնտեսագիտական համալսարանի դասախոս, նախկին փոխնախարար է եւ նախկին ԱԺՄ-ական: Կարդալ ամբողջությամբ

Գյումրիի քաղաքապետ Վարդան Ղուկասյանն իր աղջկա նշանածի` նախօրեին սպանված 27-ամյա Կարեն Եսայանի սպանության համար մեղադրում է «Բարգավաճ Հայաստան» կուսակցությանը: Երեկ մեզ հետ զրույցում Վարդան Ղուկասյանը բացառեց շրջանառվող վարկածը, թե խանդի հողի վրա է եղել իր փեսայի սպանությունը. «Ոչ: Տենց բան չկա»: Ապա հավելեց, թե այդ վարկածը տարածողները նրանք են, ովքեր ձերբակալվել են: Կարդալ ամբողջությամբ