Վերջին շրջանում շարունակ խոսում են քաղբանտարկյալների ազատ արձակման հնարավորության մասին: ՀՀՇ ակտիվիստ, վանաձորցի Աշոտ Մանուկյանի ազատ արձակումից հետո այդ խոսակցություններն ավելի աշխուժացան: Ընդդիմադիր ՀԱԿ-ը հատկապես վերջին ամիսներին ակտիվացրել է քաղբանտարկյալների ազատ արձակման համար իր պայքարը: Եվրոպական կառույցներն են տարբեր առիթներով պարբերաբար անդրադառնում խնդրին եւ պահանջում լուծել այդ հարցը: Կարդալ ամբողջությամբ

ՆԱՏՕ-ի Լիսաբոնյան համաժողովին, ինչպես հայտնի է, Հայաստանը մասնակցեց նախարարների մակարդակով: Սերժ Սարգսյանի փոխարեն Հայաստանը ներկայացրին Էդվարդ Նալբանդյանն ու Սեյրան Օհանյանը: Հիշեցնենք, որ նոյեմբերի 19-ին ՀՀ նախագահի մամլո ծառայությունը հայտարարություն տարածեց այն մասին, որ Սերժ Սարգսյանը Լիսաբոն չի մեկնելու: Նախագահի՝ Լիսաբոն չմեկնելու պատճառը բացատրվեց նրանով, որ համաժողովի հռչակագրում հարավկովկասյան հակամարտությունների լուծման վերաբերյալ «ընդհանրացված ձեւակերպումներ» են ընդգրկվել: Կարդալ ամբողջությամբ

Պաշտոնավարման երկու տարում ՀՀ նախագահի պաշտոնական եւ աշխատանքային արտասահմանյան 62 այցերի մեջ գերակշիռը, թերեւս, Ռուսաստան կատարած այցելություններն են: Իհարկե, եթե հաշվի առնենք երկու երկրների միջեւ գոյություն ունեցող ավանդական կապերը, այն, որ Ռուսաստանը մեր ռազմավարական դաշնակիցն է համարվում, եւ մենք գտնվում ենք նույն անվտանգության համակարգում, զարմանալու բան չկա: Սակայն հատկապես վերջին շրջանում Հայաստան-Ռուսաստան շփումներն առավել քան ակտիվացել են, եւ տարբեր առիթներին ու մակարդակներով մշտապես ընդգծվում է Ռուսաստանի դերը մեր երկրի ներկայի ու ապագայի   հարցում (վերջինը Սերժ Սարգսյանի` Մոսկվա կատարած աշխատանքային այցելության առիթով հնչեցված հայտարարություններն էին): Կարդալ ամբողջությամբ

ԵԽԽՎ-ում Հայաստանի հարցով համազեկուցող Ջոն Պրեսկոտը երեքշաբթի օրը Մոնիտորինգի հանձնաժողովի նիստում ելույթ ունենալով` անդրադարձել էր քաղբանտարկյալների ազատ արձակման խնդրին եւ կոշտ գնահատականներ հնչեցրել (այս մասին նախօրեին մամուլով հայտարարել էր Դավիթ Հարությունյանը): Երեկ հայաստանյան պատվիրակությունը վերադարձել էր Ստրասբուրգից, եւ մենք մեկնաբանություն խնդրեցինք ԱԺ պետաիրավական հարցերի հանձնաժողովի նախագահ, հայաստանյան պատվիրակության ղեկավար Դավիթ Հարությունյանից: Կարդալ ամբողջությամբ

ԼՂ հակամարտության շուրջ ընթացող վերջին զարգացումների կիզակետը կարծես թե Աստանան է լինելու: Դեկտեմբերի 1-2-ին այնտեղ կկայանա ԵԱՀԿ գագաթաժողով եւ կքննարկվի ղարաբաղյան հակամարտության կարգավորման հարցը: Գործընթացում Աստանայի ունենալիք նշանակությունն այս կամ այն մակարդակով շարունակ ընդգծվում է: Հիշեցնենք, որ Ադրբեջանի արտգործնախարար Էլմար Մամեդյարովը չէր բացառել, որ սպասվելիք գագաթաժողովը կարող է «բեկումնային» լինել, աստրախանյան հանդիպման արդյունքներն ամփոփելիս ՌԴ նախագահ Մեդվեդեւը հայտարարել էր, որ դեկտեմբերի 1-2-ին Հայաստանն ու Ադրբեջանը կկարողանան վերջնականապես համաձայնեցնել ղարաբաղյան հակամարտության կարգավորման հիմնարար սկզբունքները, որոնք հիմք կհանդիսանան խաղաղ համաձայնագրի համար: Կարդալ ամբողջությամբ

Հայ ազգային կոնգրեսը Ազատության հրապարակում հանրահավաք անցկացնելու դիմումներով շարունակում է հեղեղել Երեւանի քաղաքապետարանը: Արդեն 33 դիմում է ներկայացվել, սակայն քաղաքապետարանն առայժմ անկոտրում է եւ շարունակ մերժում է ընդդիմության հանրահավաքի մասին ծանուցումն ի գիտություն ընդունել: Իսկ պատճառաբանությունը կրկին նույնն է՝ Ազատության հրապարակն զբաղված է: Նախ  «Էրեբունի-Երեւանի» տոնակատարություններն էին մերժման պատրվակը, հետո երեխաների համար նախատեսված ատրակցիոնները, ցուցահանդես-վաճառքը, որը տեւելու է մինչեւ դեկտեմբերի 5-ը: Կարդալ ամբողջությամբ