Արդեն երկու տարի է՝ «Հրապարակ» թերթում եմ: Ու թեպետ «նորեկ» չեմ լրատվական դաշտում, շարունակում եմ սովորել, հետաքրքիր դիտարկումներ անել եւ պիտի խոստովանեմ՝ հաճախ հենց թերթի գլխավոր խմբագրի լուռ, հազվադեպ՝ խոսքի վերածվող ուղղորդմամբ… Կարդալ ամբողջությամբ

Ինչպես ամեն բան՝ այս մի տնտեսական շաբաթն էլ պիտի նախընտրական զարգացումների ու  խոստումների մեջ դիտարկել: Ասում ենք՝ խոստումների, որովհետեւ, անկախ այս ու այն լավագույն ցանկություններից, համարյա բոլոր կուսակցությունները մոռացել են իրենց ցանկությունների եւ այդպիսով ժողովրդի կյանքը լավացնելու եղանակների մասին ընտրողի հետ ըստ էության կիսվել: Կարդալ ամբողջությամբ

Անցած տնտեսական շաբաթը նորից գլխավորեց «դոլարի հաղթարշավը»: Ասել է թե՝ որքան էլ ԿԲ-ն ջանաց էժան դոլար «ապահովել» ընտրարշավով մտահոգ օլիգարխիայի համար, միեւնույն է, դրամի արժեզրկման պրոցեսն անհնար է եղել կանգնեցնել: Երեկ, օրինակ, մեկ դոլարի փոխարժեքն առաջին անգամ հատեց 391 դրամի հոգեբանական շեմը, իսկ փորձագետները վստահ են, որ, չնայած ԿԲ ջանքերին, այս իրավիճակը կշարունակվի, եւ դրամն էլի կարժեզրկվի առնվազն չորս կետով: Կարդալ ամբողջությամբ

Անցած տնտեսական շաբաթն առաջին հերթին աչքի ընկավ Կենտրոնական բանկի մշտական պահվածքով, այն է՝ ֆինանսական շուկայում կոպիտ միջամտությամբ: Հասկանալով, որ երկիրը մտել է ընտրությունների անկայուն փուլ, այստեղ կարծես թե կայունության շուրջ մտահոգություններով չափն անցան: ԿԲ-ն ԱՄՆ դոլարի հաշվարկային փոխարժեքը 388.5-390-ի փոխարեն սահմանեց 387.93 (-0.19) դրամ, ինչը նշանակում է, որ հերթական անգամ մեծ քանակությամբ դոլար է հանվել շուկա՝ ազգային արժույթի փոխարժեքի կայունացմանն աջակցելու համար: Դեռ չգիտենք՝ այս մի ինտերվենցիան ինչքան է արժեցել մեզ համար, եւ ԿԲ պահուստները որքան են նվազել, բայց փաստ է, որ այսպես շարունակվել այլեւս չի կարելի: Բավական է վերցնել ու կարդալ ԿԲ մամլո ծառայության հաղորդագրությունները, եւ պարզ է դառնում, որ հենց ԿԲ-ն շուկայում մի միջամտում կամ փոքր քանակությամբ դոլար է հանում, ինչպես նախանցած շաբաթ՝ 1,653 մլն ԱՄՆ դոլար կամ 83,61 տոկոսով պակաս, ազգային դրամն իր «լողի» ընթացքում անմիջապես մի քանի կետով գահավիժում է: Կարդալ ամբողջությամբ

Անցած տնտեսական շաբաթը եւ ընդհանրապես շաբաթը սովորականներից չէր: Բոլորը մի տեսակ ներքին լարվածությամբ էին սպասում գարնան գալստյանը, որովհետեւ 2008թ. մարտի 1-ից այս կողմ, արդեն չորս տարի, միմյանց շնորհավորելու փոխարեն շարունակում ենք մեր բերաններում արնահամ զգալ, ականջներում` կրակոցի ձայներ ու աղաղակ, իսկ սրտներումս՝ մեղավորության զգացում, թե հանկարծ ու համարձակվենք շունչ քաշել ձմռան ավարտի հետ միասին եւ օդում կանաչի ու սիրո բույր որսալ… Կարդալ ամբողջությամբ

Հրեական մի հրաշալի անեկդոտ կա: Խաիմին խնդրում են թվարկել երեք ամենաակնառու հրեաներին: Սա թե` իսկ դուք նրանց գործերից դատեք: Բնականաբար` Քրիստոսը, Մարքսը եւ Էյնշտեյնը: Առաջինը մարդկությանը երկնային դրախտ խոստացավ, երկրորդը` երկրային, իսկ երրորդն ապացուցեց, որ թե մեկը, թե մյուսը հարաբերական են: Հիմա մեր կառավարությանն է: Միայն թե` «երեքը մեկում»: Մեռելոցների հիշատակմամբ ու եկեղեցի-պետություն մերձեցմամբ Հայկական լեռնաշխարհը քիչ է մնում անմիջապես երկնային Երուսաղեմում տեղակայեն` մեկ,  թե ելույթները լսես` արդե՛ն իսկ դրախտում ենք ապրում` երկու, իսկ երբ իրական կյանքը դիտարկես, լավագույն դեպքում կպարզես, որ թե մեկը, թե մյուսը ավելի քան հարաբերական են: Կարդալ ամբողջությամբ

Անցած տնտեսական շաբաթը միանշանակ պիտի թանձր հուսահատության շաբաթ որակել այն դիտարկողների համար:

Նախ պարզեցինք, որ մեր կառավարության եթե ոչ գործուն աջակցությամբ, գոնե ոչ անմեղ թողտվությամբ` օֆշորային գոտում գրանցված եւ հանրությանը ոչինչ չասող բրիտանական «Ռայնովիլ» ընկերությունը հասավ իր նպատակին եւ լիովին սնանկացնելով ու քայքայելով «Նաիրիտը»` 70 մլն դոլար պարտքի դիմաց այն հանձնեց Միջպետական բանկին, որի հիմնական բաժնետերը, ինչպես գիտեք, ՌԴ կառավարությունն է: ՀՀ էներգետիկայի եւ բնական պաշարների նախարար Արմեն Մովսիսյանը, հանդիպելով լրագրողներին, առանց կարմրելու եւ մոռացած իրենց իսկ կազմած ամպագոռգոռ ծրագրերի մասին, հերքեց հազար անգամ շրջանառված այն տեղեկատվությունը, որ կառավարությունը երաշխիքներ է տրամադրել «Ռայնովիլին», կառավարության եւ Միջպետական բանկի միջեւ ստորագրված պայմանագիրը որակեց իբրեւ սոսկ «համաձայնագիր եւ ոչ երաշխիք», ապա նույն ստոիկյան հանդարտությամբ ավելացրեց, թե նույնիսկ այս պահին «Նաիրիտով» հետաքրքրվողներ կան, որ գործընթացը հերթական անգամ փորձագիտական փուլում է, եւ այսպես շարունակ: Հերթական աճպարարություն եւ թոզփչոցի այսինքն: Եվ սա այն դեպքում, երբ մարդիկ այստեղ հինգ ամիս աշխատավարձ չեն ստացել, երբ ամեն մի չաշխատած օրն ահռելի վնասներ է հասցնում պետությանը, եւ երբ, մեր տեղեկությունների համաձայն, գործարանում իրականում այլ պրոցես է ընթանում: Ըստ մեր աղբյուրի` ամենաբարձր շրջանակների գիտությամբ ապամոնտաժվում են սարքավորումներ եւ տարվում Իրանում վաճառելու: Ահա եւ ««Նաիրիտի» զարգացման» աշխարհացունց ծրագրի ավարտը: Վերջ բեմականացմանը` ինչպես ասում են… Կարդալ ամբողջությամբ

Սովորաբար, տնտեսական շաբաթն ամփոփելիս, ջանում ենք բաց չթողնել եւ ոչ մի դիտարժան դրվագ: Այս անգամ, սակայն, առանձնացնելու ենք մեն մի խնդիր` Կանխիկ գործարքների սահմանափակման նախագծի շուրջ առաջացած աղմուկը, որովհետեւ այստեղ իսկապես ասելիք շատ կա:

Ուղիղն ասած` նախագծի շուրջ առաջացած աղմուկը, որ շաբաթվա հիմնական մեխն էր,  փաստորեն, ինձ մի քիչ տարօրինակ թվաց: Նախ` գործող անձինք կարողացան նույնիսկ լրագրողներին համոզել, որ կոալիցիոն գործընկերոջ «բոյկոտն» իսկական խայտառակություն կամ դավաճանություն է, որ կա: Համարյա աշխարհի վերջ: Եվ բոլորը մի մարդու պես մոռացան, որ ժամանակին, երբ խորհրդարանը դեռ քաղաքական մարմին էր եւ ո՛չ կառավարության դակող մեքենան, նույն ՀՀՇ-ի համար, օրինակ, նույնիսկ բացարձակ մեծամասնության պարագայում, շատ հաճախ դժվար էր լինում այս կամ այն օրենսդրական նախաձեռնության անցկացումը, ու ոչ ոքի մտքով չէր անցնում դրա շուրջ վախճանաբանական տեսություններ կազմել: Իշխանության թեւերի առողջ մրցակցությունն ու տրամաբանությունը բոլորի, այդ թվում թիմակիցների կողմից գոնե տեսանելի մասով օրինաչափ էր ընկալվում: Կարդալ ամբողջությամբ

Անցած տնտեսական շաբաթն անշուշտ կարելի է բնապահպանական համարել: Նախ` բնապահպանները մի խումբ ակտիվիստների հետ միասին բողոքի էկո-արշավ կազմակերպեցին դեպի Թեղուտ, այնուհետ հանդիպեցին վարչապետին, որը, բռունցքը սեղանին խփելով, խոստացավ սենսացիոն հայտարարություն անել Քաջարանի հետ կապված, որովհետեւ պատկան մարմինները մոլորեցրել են իրեն սխալ տեղեկատվությամբ, դրանից հետո պարզվեց` հայտնի գործարարուհի Սիլվա Համբարձումյանն է նոր հանք շահագործում Սյունիքում, ինչը կրկին բնապահպանական խնդիրներ է առաջացնելու մեր երկրի համար, դրանից հետո էլ տեղեկացանք, թե Սյունիքի քաջարի մարզպետն է Կապանի Ծավ գյուղում երկու ՀԷԿ կառուցել: Հանգամանք, որ զայրացրել է գյուղացիներին, քանի որ ՀԷԿ-ը կառուցվելու է Բասուտա գետի վրա, որտեղ արդեն մի ՀԷԿ կառուցվել է… Կարդալ ամբողջությամբ

Մեզանում առկա բեւեռվածությունը հարուստների եւ աղքատների միջեւ առանձին տնտեսական շաբաթվա «մենաշնորհը» չէ. այն կարծես թե այլեւս կյանքի կազմակերպման սովորական ձեւ է ընկալվում ոչ միայն սոցիալական սանդղակի վերեւում կանգնածների, այլեւ կառավարության համար, որի խոսքն ու գործն իրարից նույնքան են տարբերվում, որքան Ձմեռ պապին ձեռնունայն սպասած փոքրիկի եւ, ասենք, նախագահի ու վարչապետի թոռնիկների Ամանորը: Կարդալ ամբողջությամբ