Ամերիկահայ կինոբեմադրիչ Արտակ Սեւադան պատրաստվում է ցեղասպանության 100-ամյակին նվիրված գեղարվեստական ֆիլմ նկարել՝ «Եվ թող օգնի ձեզ Աստված» վերնագրով: Կարդալ ամբողջությամբ

«Վերադարձ» հեռուստասերիալը սկսվեց բավական գայթակղիչ տեսարաններով՝ Փարիզ, մեծ առանձնատուն, առանձնատան մեջ էլ սիրելի Արմեն Ջիգարխանյանը: Նախորդ՝ «Կյանքի գինը» հեռուստասերիալից արդեն սիրված Ալեքսանդր Խաչատրյանին (Ռաֆայել Սեթյան), Սամվել Սարգսյանին (Սեդրակ), Ստեփան Շահինյանին (Մուրադ) այստեղ միացել է մի դերասան, որին հայ հանդիսատեսն արդեն կարոտել ու մի քիչ էլ մոռացել էր՝ Ռուդոլֆ Ղեւոնդյան (Ցուլ Աբո): Այս խմբին եթե գումարենք երիտասարդ եւ տաղանդավոր Սոս Ջանիբեկյանին, տղամարդկանց «աստղաբույլը» կամբողջանա: Կարդալ ամբողջությամբ

Հազարամյակներ շարունակ բանավոր պատումով մեզ հասած «Սասնա ծռեր» էպոսը պարզվում է ամբողջությամբ չի հասել: Հնում այն ոչ միայն պատմում էին, այլեւ աշուղական խմբերը, շրջելով Հայաստանի տարբեր շրջաններով, երգելով, պարելով, ասմունքելով՝ ներկայացնում էին այն: Մեր օրերում Սեւանի Ծաղկունք գյուղում Աղաջանյան ընտանիքը հանձն է առել կառուցելու 2 հազար տեղանոց «Սասունցի Դավիթ» ամֆիթատրոն, որտեղ միայն էպոսը կբեմադրվի: Բոստոնի համալսարանում ճարտարապետներն արդեն աշխատում են նախագծի վրա: Էպոսը, ըստ նախնական ծրագրի, չի տեսագրվի ու արտասահման չի տարվի, ով ուզում է դիտել, պետք է գնա Ծաղկունք գյուղ եւ միայն այնտեղ դիտի էպոսի բեմադրությունը: Կարդալ ամբողջությամբ

Բանաստեղծ Հակոբ Հարությունի հետ ինձ ծանոթացրել էր Գայանե Բաբայանը՝ իրենց հերթական աղմկոտ ճաշկերույթներից մեկի ժամանակ: Ծանոթացնելուց առաջ ասաց. “Կգաս-կտեսնես ինչ չաղ պոետ ընկեր ունեմ, լավ էլ գրում ա…”: Հետո ասաց՝ “առողջ ծիծաղ ունի”: Գայանը մարդուն ճանաչելու հոգեբանական երկու “թեստ” ուներ՝ մարդու պարելն ու ծիծաղելը: Եթե այդ երկու հատկությունների մեջ նա “առողջություն” էր տեսնում, ուրեմն կարելի էր մարդու հետ ընկերություն անել: Եվ բանաստեղծ Հակոբ Հարությունի ու քուրդ պոետ Ալիխանե Մամեի հետ ճաշկերույթները վերածվում էին իսկական տոնախմբության, առանց սյուժեի, բայց տաղանդավոր, բռնկումով ու կյանքով լի ներկայացման: Կարդալ ամբողջությամբ

Ամիսներ շարունակ հեռուստաընկերություններով գովազդվող Հրաչ Քեշիշյանի “Խաչագողի հիշատակարանը”  ֆիլմը  հերթական “տաղավարային”, “տեսահոլովակային”,  սարքած, շինծու ֆիլմն էր, եւ ոչ ոք ավելին չէր էլ սպասում: Գլամուրային սարքած տաղավարներ, դրանց վրայով սահող տեսախցիկ, ստերեոտիպեր ու դերասանների անհաջող, անտաղանդ խաղ: Սամվել Թոփալյանն (Մուրադի դերակատար) ի դեպ, որ թատրոնում բավական հաջող երիտասարդ դերասան է, եւ հատկապես հաջող են նրա դերերը Մալյան թատրոնի բեմում, բնականաբար եւ ցավոք, Հրաչ Քեշիշյանի շոու-բիզնեսային “շնչի” տակ լրիվ սպառել էր իրեն, եւ չէիր հասկանում՝ ֆիլմում Մուրադն ի վերջո պրոֆեսիոնալ խաչագո՞ղ է դառնում, ինչպես դա Րաֆֆու վեպում է, թե՞ մինչեւ վերջ երկչոտ աշակերտ է մնում՝ Քավոր Պետրոսի ձեռքի տակ վազվզող: Կարդալ ամբողջությամբ

Կարինե Խոդիկյանն արդեն ավարտել է իր նոր պիեսը՝ մեքսիկացի նկարչուհի Ֆրիդա Կահլոյի եւ նրա մեծ ու ճակատագրական սիրո՝ Դիեգո Ռիվերայի մասին: Հարցիս՝ արդյո՞ք Կարինեն նրանց կյանքի իրական պատմությունն է պիես դարձրել, պատասխանեց. “Ոչ, եթե այդպես լիներ, նրանց մասին ե՛ւ ֆիլմ է նկարվել, ե՛ւ բազմաթիվ գրքեր կան, լրիվ ավելորդ բան կլիներ, ես պարզապես փորձեցի հասկանալ, թե ինչն է միացրել այդ երկու մարդկանց եւ ինչն է անջատել: Նրանք երկուսը մեկ իրար վանում էին, մեկ էլ հանկարծ երկուսն էլ այնպես էին իրար ձգում, որ այս տիեզերական ձգողական ոչ մի ուժ որեւէ մեկի վրա չի գործել: Իմ պիեսում Ֆրիդան եւ Դիեգոն հանդիպում են իրենց մահից հետո, լրիվ անկապ մի տեղում, որը բար է, գինետուն է կամ լրիվ լքված մի տեղ” չգիտեմ: Պիեսում կա նաեւ Քրիստինան՝ Ֆրիդայի քույրը, որի հետ Դիեգոն դավաճանեց Ֆրիդային: Եվ դրանից հետո, որ ցանկացած կին կկոտրվեր, Ֆրիդայի համար նոր կյանք սկսվեց… ուժեղ ու թույլ, վհուկ, հրեշտակ, սուրբ-սատանա՝ այս ամենը կար այդ կնոջ կերպարում…”: Կարդալ ամբողջությամբ

Եվա Ռիվասի պրոդյուսեր Հայկ Մարկոսյանը Եվային հայկական շոու-բիզնեսի բաղձալի բարձունքներ “բրթելու” փորձերից, “Եվրատեսիլին” մասնակից դարձնելուց հետո հիմա էլ զբաղվում է Անաիսա անունով երգչուհու, այսպես ասած՝ “ռասկրուտկայով”: Մենք շարունակ հաղորդագրություններ ենք ստանում այս նորահայտ “աստղի” մասին: Պրոդյուսերական կենտրոնը նախ նրա կենսագրությունն էր ուղարկել մեզ, ապա երգի բառերը, հետո հայտնեցին, որ արդեն ավարտվել են նրա “Աստղերն ասում են” երգի տեսահոլովակի նկարահանումները: Երգի կոմպոզիտորն է Արմեն Մարտիրոսյանը, ռեժիսորը՝ Արամ Շահբազյանը: Կարդալ ամբողջությամբ

Լուսանկարիչ Գերման Ավագյանը հարցազրույցից առաջ բացել էր իր պաշտոնական կայքը եւ ցույց էր տալիս իր լուսանկարները, որտեղ կային նաեւ բավական շատ լուսանկարներ մարտի 1-ի դեպքերից: Ի՞նչ եղավ մարտի մեկից հետո ժողովրդի հետ:

- Կոտրվեց էն միֆը, որ հայը հայի վրա զենք չի բարձրացնում: Բայց դե, մեր ժողովուրդը փչացած ժողովուրդ ա, ասեմ քեզ: Էս ժողովուրդը սպասում է մեկը գա` իրա հարցերը լուծի, ինքն էլ վայելի: Էդպես չի լինում: Ամեն հարցում տենց ա հայերի մոտ, սպասում են մեկը գա` իրենց հարցերը լուծի, չեն ուզում իրենք իրենց հարցերը լուծեն: Բայց ես լուսանկարիչ եմ, ի՞նչ քաղաքական հարցեր եք տալիս:
Կարդալ ամբողջությամբ