Sunny
19 °C

Արման Ղարիբյանի արխիվ

Ընտրություններն ու «Ֆեյսբուքը»

ՀԵՂԻՆԱԿ՝ Արման Ղարիբյան
30/03/2012 | ՀԱՍԱՐԱԿՈՒԹՅՈՒՆ

Նախընտրական փուլ ենք թեւակոխում, որը զգալի է ոչ միայն տարբեր բուտկաներում ու նկուղներում բացվող կուսակցական շտաբներից, այլեւ Հայաստանի հոգսերով ապրող համայնքից` ֆեյսբուքահայությունից: Այսօր երկրի երիտասարդ սերուցքը կենտրոնացած է «Ֆեյսբուք» սոցիալական ցանցում, որը ցանկացած հարցի շուրջ «արագ արձագանքման խմբի» դեր է կատարում, որի կարծիքի հետ արդեն հաշվի են նստում գրեթե բոլորը: Դեռեւս անցած տարի գրել էինք, որ 2011 թվականի ընթացքում ֆեյսբուքահայությունը ձեւավորվեց որպես ակտիվ ու գործող համայնք, եւ այսուհետ նրանք գործոն են հանդիսանալու երկրի քաղաքական կյանքում եւս, այդ թվում եւ առաջիկա խորհրդարանական ու նախագահական ընտրություններում: Կարդալ ամբողջությամբ

Իրանի դեմ պատերազմն ու Արցախը

ՀԵՂԻՆԱԿ՝ Արման Ղարիբյան
09/02/2012 | ԱՇԽԱՐՀՈՒՄ

Ադրբեջանը կարող է ռազմական արկածների գնալ Լեռնային Ղարաբաղի Հանրապետությունում, եթե ԱՄՆ-ն ու նրա դաշնակիցները Իրանի դեմ պատերազմ սկսեն: Նման կարծիք է հայտնել քաղաքագետ Ալեքսանդր Սկակովը: «Իրանի դեմ ռազմական գործողությունները կազատեն ադրբեջանցիները ձեռքերը, քանի որ Արեւմուտքը եւ առաջին հերթին ամերիկացիները ժամանակ չեն ունենա ոչ Լեռնային Ղարաբաղի խնդրով զբաղվելու, ոչ էլ Բաքվի հավակնություններն ու ախորժակը սահմանափակելու»,- լրագրողների հետ զրույցում հայտարարել է քաղաքագետը: Կարդալ ամբողջությամբ

Վրաստանը կմասնակցի՞ պատերազմին

ՀԵՂԻՆԱԿ՝ Արման Ղարիբյան
31/01/2012 | ԱՇԽԱՐՀՈՒՄ

Երեկ երեւանյան ժամով կեսգիշերին մոտ էր նախատեսված Ամերիկայի Միացյալ Նահանգների եւ Վրաստանի նախագահների հանդիպումը Սպիտակ տանը: Մինչ հանդիպումը հետաքրքիր տեղեկատվություն տարածեց վրացական ընդդիմությունը, ինչը հրաժարվեց մեկնաբանել արտաքին գործերի նախարարությունը: Ընդդիմադիր «Ազգային ժողով» կուսակցության ներկայացուցիչ, ակադեմիկոս Էլիզբար Ջավելիձեն վրացական «Կվիրիս Քրոնիկա» թերթի հետ զրույցում նշել էր, որ ԱՄՆ-ի ֆինանսավորմամբ է կատարվում վրացական ռազմական հիվանդանոցների կառուցումը, քանի որ Իրանի հետ պատերազմի ժամանակ Միացյալ Նահանգներն օգտագործելու է Վրաստանի տարածքը Կարդալ ամբողջությամբ

Եվրոպացիներին դուր չի եկել Ադրբեջանի երգը

ՀԵՂԻՆԱԿ՝ Արման Ղարիբյան
24/01/2012 | ՍՊՈՐՏ/ՇՈՈՒԲԻԶ

Այս տարի «Եվրատեսիլ» երգի մրցույթը տեղի է ունենալու Ադրբեջանի մայրաքաղաքում: Անցած տարի նրանց հաջողվեց հաղթող ճանաչվել, եւ մրցույթից գրեթե 8 ամիս անց փորձեցինք հասկանալ` արդյոք եվրոպացիներին իսկապե՞ս դուր է եկել մեր հարեւան երկրի ներկայացրած երգը: Նշենք, որ «Եվրատեսիլի» հաղթողները սովորաբար մեծ հեղինակություն են վայելում ոչ միայն իրենց երկրներում, այլեւ դրա սահմաններից դուրս: Ադրբեջանի ներկայացրած երգի վարկանիշը ճշտելու համար «YouTube»-ում ստուգեցինք «Եվրատեսիլ» երգի մրցույթում վերջին 4 տարիներին հաղթող երգերի դիտումների քանակը: Եվ այսպես, 2008 թվականին «Եվրատեսիլ»-ում հաղթած երգը` Դիմա Բիլանի կատարմամբ, դիտվել է 4 միլիոն 300 հազար անգամ: Իսկ 2009 թվականին հաղթած Նորվեգիան ներկայացնող Ալեքսանդր Ռիբակի երգը` 37 միլիոնից ավելի անգամ: 2010 թվականին երգի մրցույթում հաղթեց Գերմանիայի ներկայացուցիչ Լենա Մայերը, որի երգը «YouTube»-ում դիտել են մոտ 14 միլիոն անգամ: Կարդալ ամբողջությամբ

Պաշտպանի գրասենյակներ՝ մարզերում

ՀԵՂԻՆԱԿ՝ Արման Ղարիբյան
20/01/2012 | ՀԱՍԱՐԱԿՈՒԹՅՈՒՆ

Առաջիկայում Հայաստանի մարդու իրավունքների պաշտպանի գրասենյակներ կբացվեն Հայաստանի հեռավոր մարզերում` Տավուշում, Լոռիում, Շիրակում, Սյունիքում, Վայոց ձորում եւ Գեղարքունիքում: Այս մարզերն ընտրվել են հեռավորության սկզբունքով, քանի որ ՄԻՊ դիմելու համար մարդիկ մինչ այժմ ստիպված հասնում են մայրաքաղաք: Այս մասին մեզ տեղեկացրեց ՄԻՊ գրասենյակի Տեղեկատվության եւ հասարակայնության հետ կապերի բաժնի ղեկավար Նաիրա Կարմիրշալյանը: Ներկայումս տեղի բնակիչներից ընտրվում է մարզային գրասենյակների աշխատակազմը, կատարվում են կազմակերպչական աշխատանքներ: «Դեռ հստակ չէ, թե մարզային գրասենյակները երբ կսկսեն աշխատել, բայց որ այս տարի է դա լինելու` հստակ է»,- ասաց Նաիրա Կարմիրշալյանը: Կարդալ ամբողջությամբ

Մինչեւ 2013-ը պատերազմ չի լինի

ՀԵՂԻՆԱԿ՝ Արման Ղարիբյան
20/01/2012 | ԱՇԽԱՐՀՈՒՄ

Մինչեւ 2013 թվականի կեսերը Արցախ պետությունը կպահպանի իր ամբողջականությունն ու ստատուս քվո կարգավիճակը: Բանակցային գործընթացում առանձնակի փոփոխություններ չեն զգացվի, քանի որ թե Հայաստանում ու Ադրբեջանում, թե ԵԱՀԿ Մինսկի խումբը համանախագահող երկրներում ներքին քաղաքական սրացումներ են սպասվում, որոնք ժամանակավոր դադար կապահովեն բանակցային գործընթացում: Հակամարտությունը, սակայն, կարող է շահարկվել կողմերի կողմից նախընտրական քարոզարշավների ընթացքում: Սա ռուս քաղաքագետի կարծիքն է: Կարդալ ամբողջությամբ

Ռուս ընդդիմադիրները «վաճառե՞լ» են հայրենիքը

ՀԵՂԻՆԱԿ՝ Արման Ղարիբյան
19/01/2012 | ԱՇԽԱՐՀՈՒՄ

Շաբաթ օրը Մոսկվա ժամանած ԱՄՆ նոր դեսպանն արդեն հասցրել է հանդիպում ունենալ ընդդիմադիր առաջնորդների հետ: «Սոլիդարություն» շարժման առաջնորդ Բորիս Նեմցովը «Life News» կայքին հայտնել է, որ իրենք գնացել էին Մայքլ Մակֆոլին ողջունելու: Հանդիպման ժամանակ քննարկվել են Ռուսաստանում տիրող քաղաքական իրավիճակը: Ռուսական բլոգներից մի քանիսում կարծիքներ էին հրապարակվել, թե ընդդիմադիրները շտապել են խոնարհվել ԱՄՆ դեսպանին եւ «վաճառել են» իրենց հայրենիքը: Կարդալ ամբողջությամբ

Ադրբեջանցիներն ուզում են «հարս գնալ» Եվրոպա

ՀԵՂԻՆԱԿ՝ Արման Ղարիբյան
16/01/2012 | ԱՇԽԱՐՀՈՒՄ

Վերջին տարիներին ադրբեջանցի կանայք ավելի ու ավելի են ձգտում ամուսնանալ արտասահմանցի տղամարդկանց հետ: Եվ եթե նախկինում դա արվում էր՝ դեմ գնալով ընտանիքի ավանդապաշտ անդամներին, ապա ներկայումս հարեւան երկրում միտումները փոխվել են: Ադրբեջանցի ծնողներն իրենք են փորձում իրենց աղջիկներին արտասահման հարս ուղարկել, որպեսզի վերջիններս դառնան եվրոպական որեւէ երկրի քաղաքացի: Տարեց ադրբեջանցիները գիտակցում են, որ ներկայիս Ադրբեջանը բարեկեցիկ ու արժանապատիվ ապագայի որեւէ հույս չի ներշնչում: Կարդալ ամբողջությամբ

Հանրահավաքները դրսի՞ց են ֆինանսավորվել

ՀԵՂԻՆԱԿ՝ Արման Ղարիբյան
13/01/2012 | ԱՇԽԱՐՀՈՒՄ

Ռուսաստանի գլխավոր դատախազ Յուրի Չայկան հարցազրույց է տվել “Российская Газета” թերթին խորհրդարանական ընտրություններից հետո տեղի ունեցող բողոքի ակցիաների եւ հանրահավաքների վերաբերյալ: Գլխավոր դատախազի խոսքով` 2011 թվականի դեկտեմբերին արդար ընտրությունների անցկացմանը նվիրված  հանրահավաքները ֆինանսավորվել են արտասահմանից: «Անթույլատրելի է, որ առանձին անհատականությունները օգտագործում են մարդկանց որպես գործիք իրենց քաղաքական նպատակներին հասնելու համար, ընդ որում ոչ ազնիվ նպատակների: Այդ ամենի համար գումարները ստացվում են այն աղբյուրներից, որոնք գտնվում են Ռուսաստանից դուրս»,- հայտարարել է Յուրի Չայկան: Գլխավոր դատախազը չի մանրամասնել, թե կոնկրետ որ երկրին է մեղադրում ընդդիմադիր հանրահավաքները ֆինանսավորելու մեջ: Կարդալ ամբողջությամբ

«Ես եմ». իրական այլընտրանք հեռուստատեսային «իրականությանը»

ՀԵՂԻՆԱԿ՝ Արման Ղարիբյան
08/01/2012 | ՄՇԱԿՈՒՅԹ/ԳԻՏՈՒԹՅՈՒՆ

Կին ծեծող ու հայհոյող տղամարդկանցով լի սերիալներից հոգնած հայ հասարակության համար «Ես եմ» գեղարվեստական ֆիլմը իրական այլընտրանք է: Այստեղ տղամարդիկ ուժեղ ու բարի են եւ ի տարբերություն սերիալային «հերոսների»` օրինակելի են իրենց արժանապատիվ կեցվածքով: «Ես եմ» ֆիլմի պրեմիերան տեղի ունեցավ հունվարի 7-ին, այն կցուցադրվի կինոթատրոններով ամբողջ ամսվա ընթացքում: Ֆիլմի սյուժեն հետեւյալն է. 20-ամյա Տիգրանը որոշում է բարձրագույն ուսումը կիսատ թողնել եւ անցնել ծառայության հայոց բանակում: Դժվարություններ, իհարկե, ունենում է, բայց ի տարբերություն իրական կյանքի` դրանք բավականին հեշտությամբ են հարթվում: Ծառայության ընթացքում իրեն գերազանց դրսեւորող Տիգրանը սիրահարվում է զորամասի հրամանատարի դստերը` Արեւիկին, եւ կարողանում է նվաճել նրա սիրտը:

Սակայն նրանց սիրավեպն այդքան հարթ չի ընթանում: Ծառայության վերջին օրերին Տիգրանին զորամաս այցելության է գալիս նրա կանադահայ ընկերուհին, որի հետ նա «Skype»-ով է ծանոթացել: Ճակատագրի բերումով սփյուռքահայ գլամուռ աղջիկը հայտնվում է գնդապետի տանը եւ ծանոթանում Արեւիկի հետ: Բնության գրկում մեծացած վայրի Արեւիկը տեղեկանում է, որ Սյուզին Տիգրանի ընկերուհին է, եւ որ նրանք պատրաստվում են ամուսնանալ:

Առանց բացահայտելու ֆիլմի ավարտը` նշենք, որ այն չափազանցված ու ռոմանտիկ է, սակայն ինչպես նշեց ֆիլմի պրոդյուսեր Արմեն Մազմանյանը` այս գեղեցիկ բալլադի կարիքը կա այսօր, քանի որ հեռուստատեսությունը մեզ ամեն օր մատուցում է բացասական, տառապած ու բռնաբարված կերպարների:

Ի դեպ, «Ես եմ» ֆիլմի կերպարները շատ ճիշտ էին ընտրված, դերասանական կազմը, բացառությամբ բեմի վարպետ Սոս Սարգսյանի, մեծ փորձ չուներ, բայց գրեթե բոլորը կարողացան սիրելի դարձնել իրենց մարմնավորած հերոսներին: Իսկ հաճելի ու ոչ գռեհիկ հումորը հեշտացնում է ֆիլմի դիտումը:

«Ես եմ»-ը մի քանի կարեւոր «մեսիջներ» ունի, որոնք դիտողին փոխանցվում են բավականին մեղմ ու ազդեցիկ: Օրինակ այն, որ զինվորը գիտակցում է, որ սահմանից այս կողմ ինքը թշնամի չունի, կամ որ թե փորձառու, թե երիտասարդ սպայական կազմը միշտ պատրաստ է պատերազմին դիմակայելու եւ հաղթելու:

Նշենք, որ ֆիլմը նվիրված է Հայաստանի Հանրապետության բանակի 20-ամյակին, այն ստեղծվել է ՀՀ պաշտպանության նախարարության գործուն աջակցությամբ` «32 production»-ի եւ Գոյակ մշակութային կենտրոնի կողմից:

Ֆիլմի նկարահանումների մի մասը տեղի է ունեցել Ադրբեջանին սահմանակից գյուղի տներից մեկում: Եթե ադրբեջանցիները իմանային, թե ինչպիսի ֆիլմ է նկարահանվում, թերեւս կռմբակոծեին սահմանամերձ տունը, սակայն նկարահանումները բարեբախտաբար առանց զոհերի ու միջադեպերի են անցել:

123456