Մանրամասներ «Հայփոստի» գանձապահի ինքնասպանության գործից

ՀԵՂԻՆԱԿ՝ Գայանե Սարիբեկյան
23/02/2012 | ՀԱՍԱՐԱԿՈՒԹՅՈՒՆ

«Հրապարակին» նոր մանրամասներ են հայտնի դարձել «Հայփոստ» ՓԲԸ-ի Աբովյանի մասնաճյուղի գանձապահի ինքնասպանության գործից: Հիշեցնենք, որ հունվարի 12-ին էսենցիա խմելու միջոցով ինքնասպանություն էր գործել գանձապահ Անդրանիկ Մանուկյանը: Վերջինիս գտել էին Աբովյան-Ջրաբեր ճանապարհահատվածին` ծառերի տակ ընկած: Երբ տեղափոխել էին Աբովյանի հիվանդանոց, պարզվել էր, որ նա մի քանի շիշ էսենցիայի լուծույթ է խմել: Այնուհետեւ նրան տեղափոխել էին «Արմենիա» բժշկական կենտրոն, որտեղ նա, գիտակցության չգալով, մահացել էր: Այս մահվան դեպքից հետո ուշագրավ բացահայտումներ եղան իր աշխատանքի հետ կապված: Նույն օրը երեկոյան, երբ տարածվել էր նրա ինքնասպանության լուրը, «Հայփոստի» ղեկավարությունը հանձնաժողով էր կազմել եւ գույքագրում կատարել դրամարկղում, որի ընթացքում Անդրանիկ Մանուկյանի մոտ 17 միլիոն դրամի պակասորդ էր հայտնաբերվել:

Քրեական գործ էր հարուցվել յուրացման փաստով, եւ ինքնասպանությունը քննվում է այդ գործի շրջանակներում: NEWS.am-ում գրվեց, որ Անդրանիկ Մանուկյանն իսկապես մեծ պարտքեր է ունեցել, եւ դա նորություն չի եղել իր գործընկերների համար: Ինչ-որ մեկը գումար էր իրենից վերցրել ու չէր վերադարձրել: Սակայն մենք երեկ ոստիկանությունից տեղեկացանք, որ այս գործի շրջանակներում պարզվել է հետեւյալը, որ ինքնասպանությունից օրեր առաջ, Գողթի ու Գառնու բաժանմունքների աշխատակիցները Կոտայքի մասնաճյուղի գլխավոր դրամարկղից պարկով կանխիկ գումար են ստացել եւ մուտքագրել տարածքային դրամարկղեր, սակայն պարկի պարունակությունը կից փաստաթղթում նշված գումարի ուղիղ կեսի չափ է եղել, ինչի մասին Գողթի եւ Գառնու մասնաճյուղերի աշխատակիցները տեղյակ չեն պահել:

Նրանք իրենց մասնաճյուղում փաստաթղթավորել են թղթում նշված գումարը: Այսինքն նախապես տեղյակ են եղել, որ իրական գումարի ու թղթում նշված քանակի միջեւ մոտ երկու անգամ տարբերություն կա, սակայն չեն ասել: Մեր հարցին, թե պակասորդը որքանո՞վ է կապված ինքնասպանության հետ, ոստիկանության լրատվության վարչության պետ Աշոտ Ահարոնյանը պատասխանեց, որ քննություն է կատարվում, եւ նախաքննության շահերից ելնելով` այլ տեղեկատվություն չեն կարող տրամադրել:

| |

ԿԱՐԴԱՑԵՔ ՆԱԵՎ

Կանխվել է ինքնասպանության փորձը
Հունվարի 7-ին` ժամը 20.58-ին ահազանգ է ստացվել, որ Երևան քաղաքում` «Դավիթաշեն» կամրջից անհայտ քաղաքացին ցանկանում է ինքնասպանության փորձ կատարել` ցած [...]
Ինքնասպանության վարկածը հաստատեցին
«Արայ» ընկերության սեփականատիրոջ մահվան գործով նշանակված բոլոր փորձաքննությունների եզրակացությունները պատրաստ են, ըստ որի՝ նախաքննական մարմինը հիմնավորված է համարել ինքնասպանության վարկածը: [...]
Վաշտի հրամանատա՞րն է ինքնասպանության դրդել
Հունվարի 18-ին «Սուրբ Գրիգոր Լուսավորիչ» բժշկական կենտրոնի վերակենդանացման բաժանմունքում էսենցիա խմելու արդյունքում առաջացած թունավորումից մահացած ՀՀ ՊՆ զորամասերից մեկի պայմանագրային [...]
«Զույգ եմ փնտրում ինքնասպանության համար»
Նաստյա, Լիզա, Դիանա, Սաշա, Ալյոնա…սա վերջերս Մոսկվայում ինքնասպան եղած դեռահասների ոչ ամբողջական ցուցակն է: Միայն տաս օրվա ընթացքում Ռուսաստանի մայրաքաղաքում [...]
Լոռու մարզի քննչական բաժնի պետն ազատվել է գործից
Ոստիկանապետ Վլադիմիր Գասպարյանի հրամանով երեկ աշխատանքից ազատվել եւ կադրերի ռեզերվ է ուղարկվել Լոռու մարզի քննչական բաժնի պետ Գագիկ Իսպիրյանը: Նրա [...]