Օրեցօր Անին ավելի էր համոզվում, որ Արամը սիրում է իրեն: Տղան ամեն առավոտ եւ երեկո գեղեցիկ sms էր ուղարկում նրան, հաճելի խոսքեր ասում, ծաղիկներ նվիրում: Անիին խաբելու համար Արամին ընդամենը մեկ շաբաթ էր անհրաժեշտ: Այս ընթացքում Արթուրը լուծեց բնակարան վարձելու հարցերը, եւ զուգընկերները սկսեցին հանդիպել իրենց տաքուկ անկյունում:

Արամն անսահման երջանիկ էր. վերջապես նա ամբողջովին կարող էր տրվել սիրելիին, վայելել նրան եւ չվախենալ, թե ինչ-որ մեկը կարող է իրենց տեսնել: Բոլորից հեռու, բոլորից թաքուն: Իսկ արտաքին աշխարհում Արամն Անիի հետ էր, պատրաստվում էր նրան սիրո առաջարկություն անել, բայց չէր շտապում, ուզում էր վերջնականապես որոշելուց առաջ մի լավ կշռադատել, թե այդ քայլով ինչ կշահի եւ ինչ կկորցնի:

Ամենամեծ կորուստը կլիներ Անին, որին Արամը ընկերոջ պես է սիրում: Նա երբեք չի հասկանա եւ չի ների, երբ բացահայտի, որ տղան շահագործել է իրեն: Սրա դիմաց Արամը ձեռք կբերի հասարակական վստահություն, այլեւս չեն բամբասի, թե նա գեյ է, մատնացույց չեն անի, ծնողներն էլ կհանգստանան: Մի երեկո, երբ Անիին տուն էր ճանապարհում, նրան ասաց, թե հետո մի սարսափելի գաղտնիք կհայտնի, եւ ստիպեց խոստանալ, որ այն ոչ ոքի չի ասի:

- Այդ ի՞նչ սարսափելի գաղտնիք է:
- Հիմա ժամանակը չի, հետո կիմանաս, բայց, կրկնում եմ՝ պիտի խոստանաս, որ ոչ ոք չի իմանա դա, ինչ էլ որ պատահի:
- Արամ, ես ընդհանրապես չեմ սիրում ուրիշի գաղտնիքները տարածել, այնպես որ, կարող էիր նույնիսկ չզգուշացնել:

- Եթե նույնիսկ չարանաս իմ դեմ, ատես ինձ, դարձյալ ոչ ոք չպետք է իմանա:
- Ինչո՞ւ պիտի ատեմ քեզ:
- Չգիտեմ, հնարավոր է, որ մի օր ես զզվեցնեմ քեզ կամ մի սխալ բան անեմ եւ քո ատելությանն արժանանամ եւ նույնիսկ այդ դեպքում…

- Դե իհարկե, ես հիշաչար չեմ, նույնիսկ եթե դու ինձ նեղացնես, ես քեզ չեմ վնասի, միայն մի լավ կծեծեմ, որ հանգստանամ: Վերջին խոսքերն Անին ծիծաղելով ասաց:
- Համաձայն եմ, իրավունք ունես:
- Իսկ դու ինչո՞ւ ես ուզում ինձ հայտնել այդ սարսափելի գաղտնիքը:
- Որովհետեւ ես քեզ հարազատ մարդ եմ համարում:

- Մյուս հարազատներիդ է՞լ ես հայտնել:
- Դեռեւս միայն քրոջս: Ի դեպ, մեր հարաբերությունների մասին՝ դու ինձ համար առանձնահատուկ մարդ ես, դրա համար ես չեմ ցանկանում շտապել, որպեսզի չսխալվեմ եւ քեզ չկորցնեմ: Այնպես որ, խնդրում եմ ինձ չշտապեցնես:
- Չեմ էլ պատրաստվում:

- Գիտեմ, բայց միգուցե դու ցանկանաս մեր հարաբերություններին պաշտոնական բնույթ հաղորդել, աղջիկների համար դա կարեւոր է, չէ՞:
- Կարեւոր է, բայց առավել կարեւոր է իմ երջանկությունը: Ես այս պահին երջանիկ եմ այսքանով, միգուցե հետագայում դա ինձ չբավարարի, բայց մինչ այդ ես քո վրա ճնշում չեմ գործադրի:

Անիին տուն հասցնելուց հետո Արամը շտապեց Արթուրի մոտ: Մանկական անհանգստությամբ եւ հրճվանքով նա բարձրացավ աստիճանները եւ դուռը թակեց:

շարունակելի

© Հրապարակ օրաթերթ

ԱՄԵՆԱԿԱՐԴԱՑՎՈՂ ՆՅՈՒԹԵՐԸ

• Ինչո՞ւ ենք հայտնվել այս գորշ իրավիճակում: Երբ պատերազմի բովով անցածներն անցնում են իշխանության գլուխ, դա ամենավտանգավորն է: Իշխանության մեջ ներմուծում են ամեն գնով հաղթելու, ճնշելու , պատժելու պատերազմական դաժան գործողությունները: Նման փաստի առաջ կանգնեց Հայաստանը, երբ Ռոբերտ Քոչարյանը, այնո...
• Նոր շներ են գալիս` նոր ախորժակներով: ԱԺ ընտրությունների, դրանց արդյունքների, հետընտրական գործընթացների շուրջ այս անգամ փորձեցինք զրուցել թատերական աշխարհի ու մի շարք թատրոնների գեղարվեստական ղեկավարների հետ, որոնց մեծ մասը չցանկացավ խոսել այս թեմայի շուրջ, բացառությամբ երկուսի՝ Ստանիսլա...
• Մաքուր մարդիկ ՀՀԿ-ին պետք չեն: Վիկտոր Դալլաքյանին երեկ չհաջողվեց բողոքարկել ընտրությունների արդյունքները եւ հասնել այն բանին, որ անվավեր ճանաչվի անկուսակցական փաստաբան Էդմոն Մարուքյանի պատգամավորությունը: Նման պահանջով նա երեկ դիմել էր թիվ 30 ընտրատարածքային հանձնաժողով՝ պատճառաբա...
• Էդիկ ջան, մի օր հերթը քեզ էլ կհասնի: Լրագրող Ծովինար Նազարյանը անդրադարձել է Էդուարդ Շարմազանովի հայտարարությանը, որը ներկայացնում ենք ստորեւ: Իմ վաղեմի բարեկամ Էդվարդ Շարմազանովը այսպիսի հայտարարություն է արել. «Բոլոր նրանք, ովքեր փորձում են իրենց պաշտպանության տակ առնել մեր հասա...
• Ընտրակաշառք (լուսանկար): «Ֆեյսբուքի» օգտատեր Վարդինե Գրիգորյանն այս լուսանկարն է տարածել` հետեւյալ մեկնաբանությամբ. «Պարտք, որ վճարելու ենք բոլորս ու դեռ շաաատ երկար»...