Երբ ազդարարվեց Աբովյան փողոցը երեւանցիներին վերադարձնելու մասին, եւ մեկ ամիս անց էլ սկսվեց ապամոնտաժման գործընթացը, որը լայնորեն լուսաբանվեց հեռուստաեթերով, շատերն անկեղծորեն հավատացին, որ դա կատարվեց քաղաքացու պահանջով: Սակայն կարճ ժամանակ  անց հայտնի դարձավ, որ այդ քայլը նորանշանակ քաղաքապետին նվիրված սովորական PR գործընթաց էր, քանի որ քաղաքային իշխանությունն Աբովյան փողոցը քաղաքացուն վերադարձրեց կանաչ գոտու հաշվին` կրպակները տեղափոխելով Մարգարյան հիվանդանոցի դիմաց գտնվող այգի: Տեւական ժամանակ նույնիսկ քաղաքապետը չէր համարձակվում հայտարարել, որ սեփականատերերին` որպես փոխհատուցում, Մաշտոցի այգուց են տարածքներ տրամադրել:

Երբ շինարարական աշխատանքները մեկնարկեցին, եւ ոչինչ թաքցնել այլեւս հնարավոր չէր, Տարոն Մարգարյանը մեր թերթին տված հարցազրույցում պնդում էր, թե այնտեղ ընդամենը սրճարանի գարնանային նախապատրաստական աշխատանքներ են իրականացվում: Եվ ահա այդ աշխատանքների արդյունքում այնտեղ են հայտնվել Աբովյան փողոցի էլիտար կրպակները, ինչը, բնականաբար,  վայրագություն է: Սակայն այս որոշումը հեշտ ու հանգիստ չմարսեց քաղաքային իշխանությունը, քանի որ գտնվեցին սրտացավ մարդիկ, ովքեր ձմռան այս սաստիկ ցրտերին լծվեցին այգու ոչնչացման դեմ պայքարին: Օրեր շարունակ մի խումբ բնապահպաններ բողոքի ակցիաներ են կազմակերպում, որ փրկեն այս փոքրիկ կանաչ տարածքը: Ակտիվիստների հետ երեկ բարեհաճել է հանդիպել  քաղաքապետը, ներկա են  գտնվել նաեւ ԱԺ պատգամավորներ Լիլիթ Գալստյանը եւ Անահիտ Բախշյանը: Սակայն, ինչպես եւ ակնկալվում էր, երկու ժամ տեւած քննարկումների արդյունքում այդպես էլ կոնկրետ լուծում չի առաջարկվել: Ակնհայտ է, որ քաղաքապետարանն այլընտրանք չունի:

Մի կողմից՝ բավականին համարձակ խոստումներ է տվել, մյուս կողմից` փոխհատուցման հնարավորություն չունի, քանի որ Երեւանում կառուցապատելու տարածք չի մնացել: Եվ որպեսզի երիտասարդների աչքին թոզ փչեն, Տարոն Մարգարյանն ու Նարեկ Սարգսյանը լուրջ-լուրջ քննարկել են շինարարության ընթացքում վնասված մի ծառի  հարց եւ հանձնարարել, որ մասնագետների մի խումբ այսօր այցելի դեպքի վայր՝ ուսումնասիրելու  հանգամանքները: Իսկ բուն խնդիրը, որ անթույլատրելի է այգին վերածել «ֆիրդուսնոցի», անփոփոխ է մնացել:

Կողմերը համաձայնել են մեկ օրով դադարեցնել շինարարությունը եւ վերանայել նախագիծը: Իբրեւ թե հաշվի են նստում հասարակական բողոքի հետ: Նախատեսված է նույն կազմով այսօր շարունակել քննարկումը: Քաղաքապետարանի այս որոշման արդյունքում շատերը եկան այն համոզման, որ չարյաց փոքրագույնը սրանց՝ Աբովյան փողոցում մնալն էր:  Այնպես որ, ազգովի պետք է աղոթենք, որ մեր չինովնիկներն անգործության մատնվեն, հակառակ դեպքում իրենց  գործողությունների արդյունքում քաղաքը մրից հանում՝ մրջուրն են գցում:

ԱՄԵՆԱԿԱՐԴԱՑՎՈՂ ՆՅՈՒԹԵՐԸ

• Ինչո՞ւ ենք հայտնվել այս գորշ իրավիճակում: Երբ պատերազմի բովով անցածներն անցնում են իշխանության գլուխ, դա ամենավտանգավորն է: Իշխանության մեջ ներմուծում են ամեն գնով հաղթելու, ճնշելու , պատժելու պատերազմական դաժան գործողությունները: Նման փաստի առաջ կանգնեց Հայաստանը, երբ Ռոբերտ Քոչարյանը, այնո...
• Նոր շներ են գալիս` նոր ախորժակներով: ԱԺ ընտրությունների, դրանց արդյունքների, հետընտրական գործընթացների շուրջ այս անգամ փորձեցինք զրուցել թատերական աշխարհի ու մի շարք թատրոնների գեղարվեստական ղեկավարների հետ, որոնց մեծ մասը չցանկացավ խոսել այս թեմայի շուրջ, բացառությամբ երկուսի՝ Ստանիսլա...
• Մաքուր մարդիկ ՀՀԿ-ին պետք չեն: Վիկտոր Դալլաքյանին երեկ չհաջողվեց բողոքարկել ընտրությունների արդյունքները եւ հասնել այն բանին, որ անվավեր ճանաչվի անկուսակցական փաստաբան Էդմոն Մարուքյանի պատգամավորությունը: Նման պահանջով նա երեկ դիմել էր թիվ 30 ընտրատարածքային հանձնաժողով՝ պատճառաբա...
• Էդիկ ջան, մի օր հերթը քեզ էլ կհասնի: Լրագրող Ծովինար Նազարյանը անդրադարձել է Էդուարդ Շարմազանովի հայտարարությանը, որը ներկայացնում ենք ստորեւ: Իմ վաղեմի բարեկամ Էդվարդ Շարմազանովը այսպիսի հայտարարություն է արել. «Բոլոր նրանք, ովքեր փորձում են իրենց պաշտպանության տակ առնել մեր հասա...
• Ընտրակաշառք (լուսանկար): «Ֆեյսբուքի» օգտատեր Վարդինե Գրիգորյանն այս լուսանկարն է տարածել` հետեւյալ մեկնաբանությամբ. «Պարտք, որ վճարելու ենք բոլորս ու դեռ շաաատ երկար»...