«Եթե ես բերանս բացեմ՝ Ջհանգիրյանի կտորը չի մնա Հայաստանում». նախօրեին թերթերից մեկում նման արտահայտություն էր արել քաղբանտարկյալ Սարգիս Հացպանյանը եւ բերանը սրտի ուզածի չափով  բացել թե Գագիկ Ջհանգիրյանի, թե ՀԱԿ-ի մասով: Վերջիններիս  հասցեագրված «մեղադրականում» Հացպանյանն իրեն ներկայացրել էր հրեշտակի թեւերով, ոտքերն էլ՝ ամպոտ: Հնչեցված մեղադրանքների մասով մենք  հակադարձել չենք ուզում՝ մարդու կարծիքն է, եւ ինքն այն արտահայտելու իրավունք ունի, բայց Հացպանյանի կերպարն ամբողջությամբ ընկալելու համար ուզում ենք մի պատմություն ներկայացնել: Նախ մեջբերենք, թե նա ինչ էր ասել «Առավոտ» թերթին տված հարցազրույցում. «Ես Գագիկ Ջհանգիրյանի հետ միասին նույն հարկի վրա քաղբանտարկյալ եմ եղել, իմ դուռը մշտապես փակ է եղել, նույնիսկ փոքրիկ պատուհանս բաց չի եղել, իսկ Գ. Ջհանգիրյանի խցում երբեւէ երկաթյա դուռը փակ չի եղել: Ինձ թեկուզ մեկ ժամով չէին հանում զբոսանքի, Ջհանգիրյանը 24 ժամ զբոսանքի էր: Տեսակցություններն ինձ համար արգելված էին, նրա մոտ ամեն օր 10 հատ տեսակցություն էր լինում: Իմ հայրը մահացավ, ինձ չթողեցին գնամ-եկեղեցում մի հատ մոմ վառեմ, նրա մայրը մահացավ, հինգ օրով գնաց-թաղմանը մասնակցեց: Ես դեռ էդ ժամանակ էի ուզում հասկանալ, ուզում էի այս ամենի մասին հրապարակել. ես էլ եմ քաղբանտարկյալ, էս մարդն էլ է քաղբանտարկյալ, հապա ինչո՞ւ ենք այսքան տարբեր վիճակում, ինչո՞ւ են մեր նկատմամբ այդքան տարբեր վերաբերվում այս իշխանությունները»:

Իսկ պրն Հացպանյանի կերպարը ներկայացնող պատմությունը եղել է այսպես: Վերջերս  Ծառուկյանի եւ Հացպանյանի դպրոցահասակ երեխաների միջեւ վեճ է եղել, եւ բանը հասել է ծեծկռտուքի: Ծառուկյանի տղան մի լավ ծեծել է Հացպանյանի որդուն, եւ բանն այնքան լուրջ է եղել, որ վեճը հարթելու եւ թերեւս մամուլի բերանը չընկնելու համար պրն Ծառուկյանն իր տուն է հրավիրել Հացպանյաններին: Երեւի հալածանքներից բեզարած նախկին քաղբանտարկյալն էլ որոշել է ընդունել հրավերն ու այցելել Ծառուկյանի ապարանք: Այստեղ Հացպանյանների ընտանիքին լավ հարգել-պատվել են, եւ որպեսզի կոնֆլիկտը համարվի հարթված, եւ բարեկամաբար բաժանվեն, Գագիկ Նիկոլայիչն իր ձեռքով  ադամանդակուռ ոսկե շղթա է կախել տուժած երեխայի վզից: Այնպես որ Ջհանգիրյանի կոմֆորմիստական կերպարը ներկայացնելուց առաջ երբեմն պետք է նայել հայելուն եւ տեսնել սեփական արտացոլանքը: Ի դեպ, մենք խոսեցինք պրն Հացպանյանի հետ, եւ վերջինս չհերքեց իր որդու մասին պատահարը: «Այո, կա նման բան, բայց դա ընտանեկան իրավիճակ է, ես չէի ուզենա խոսել: Մի քիչ կինս շատ անհանգստանում է, եւ այդ պատճառով մենք չենք ուզում…»,-փորձեց հրապարակումը կանխել աննկուն հեղափոխականը: Իսկ միջադեպը փորձում էր իր քաղաքական հայացքներին վերագրել. «Չէ, չէ, խոսքը հայացքների մասին է, մինչեւ հիմա ես ճնշումների եմ ենթարկվում: ԿԳԲ-ից բարձրաստիճան մարդիկ զանգում-հայհոյում են ինձ, ներկայանալով, անուն-ազգանուն ասելով, որ երեխայիդ գլուխը կկտրեմ»: Իսկ ՀԱԿ-ն էլ շատ վատ է պահել իրեն. «Ես ձեզ կրկին ասում եմ, իմ երեխաներս ու կինս այս չորս տարի է՝ այնքան են տարել այդ վատ ժամանակաշրջանը անօգնական վիճակում, ոչ մեկ չի այցելել ՀԱԿ-ից իրենց, եւ անգամ բարոյական աջակցություն չի ցուցաբերվել»: Երբ փորձեցինք վերադարձնել բուն միջադեպին, խնդրեց. «Ես ձեզ խնդրում եմ իմ երեխայի մասին մի գրեք, կինս ինձանից կբաժանվի, հասկանո՞ւմ եք: Էս աղջիկը չորս տարի առանց այն էլ տուժել է, հիմա իմ երեխայի խնդիրն ինչի՞ համար եք ուզում դուք առարկա դարձնել»:

- Իսկ ինչո՞ւ չեք ուզում բարձրաձայնել, կարծես համոզված եք, որ նոր ճնշումներ Ձեզ այլեւս չեն սպասվում:

- Դե, հիմա ինչու չեմ ուզում, երեխաները ճնշման տակ ապրում են՝ հերիք չի, կարելի՞ է այդ երեխաների կյանքը մխտռել:

 - Վստահ եք, որ Ձեր երեխան հիմա ապահո՞վ է:

- Ես ուր պետք է, դիմել եմ էդ հարցով, ամեն ինչ նորմալ է: Եթե դուք այդ մասին գրեցիք, իմ հետ խնդիր կունենաք, չանեք նման բան, ես իրոք եմ ասում՝ մենք կդառնանք շուն ու կատու: Մենք արդեն դրանից էնքան վատ վիճակում ենք գտնվում, որ դա ձեր խնդիրը չէ: Պետք եղավ, ես կգամ ձեր թերթի մեջ գոռգոռալով կասեմ՝ ինչո՞ւ չես գրում:

ԱՄԵՆԱԿԱՐԴԱՑՎՈՂ ՆՅՈՒԹԵՐԸ

• Ինչո՞ւ ենք հայտնվել այս գորշ իրավիճակում: Երբ պատերազմի բովով անցածներն անցնում են իշխանության գլուխ, դա ամենավտանգավորն է: Իշխանության մեջ ներմուծում են ամեն գնով հաղթելու, ճնշելու , պատժելու պատերազմական դաժան գործողությունները: Նման փաստի առաջ կանգնեց Հայաստանը, երբ Ռոբերտ Քոչարյանը, այնո...
• Նոր շներ են գալիս` նոր ախորժակներով: ԱԺ ընտրությունների, դրանց արդյունքների, հետընտրական գործընթացների շուրջ այս անգամ փորձեցինք զրուցել թատերական աշխարհի ու մի շարք թատրոնների գեղարվեստական ղեկավարների հետ, որոնց մեծ մասը չցանկացավ խոսել այս թեմայի շուրջ, բացառությամբ երկուսի՝ Ստանիսլա...
• Մաքուր մարդիկ ՀՀԿ-ին պետք չեն: Վիկտոր Դալլաքյանին երեկ չհաջողվեց բողոքարկել ընտրությունների արդյունքները եւ հասնել այն բանին, որ անվավեր ճանաչվի անկուսակցական փաստաբան Էդմոն Մարուքյանի պատգամավորությունը: Նման պահանջով նա երեկ դիմել էր թիվ 30 ընտրատարածքային հանձնաժողով՝ պատճառաբա...
• Ընտրակաշառք (լուսանկար): «Ֆեյսբուքի» օգտատեր Վարդինե Գրիգորյանն այս լուսանկարն է տարածել` հետեւյալ մեկնաբանությամբ. «Պարտք, որ վճարելու ենք բոլորս ու դեռ շաաատ երկար»...
• Էդիկ ջան, մի օր հերթը քեզ էլ կհասնի: Լրագրող Ծովինար Նազարյանը անդրադարձել է Էդուարդ Շարմազանովի հայտարարությանը, որը ներկայացնում ենք ստորեւ: Իմ վաղեմի բարեկամ Էդվարդ Շարմազանովը այսպիսի հայտարարություն է արել. «Բոլոր նրանք, ովքեր փորձում են իրենց պաշտպանության տակ առնել մեր հասա...