Փետրվարի 12-ին Արմավիրի մարզի Արշալույս գյուղում տեղի են ունենալու գյուղապետի ընտրություններ: Սրանք սովորական ընտրություններ չեն, այնպիսիք, որ տեղի են ունենում Հայաստանի հարյուրավոր համայնքներում: Այս ընտրատարածքում գյուղապետի թեկնածու են առաջադրվել գործող գյուղապետ Զարզանդ Գրիգորյանը, որն ԱԺ ՀՀԿ-ական պատգամավոր Հրանտ Գրիգորյանի եղբայրն է, եւ Գրիգոր Գրիգորյանը, որն Արշալույսում գյուղապետ է եղել 18 տարի՝ 1990-2008թթ.: Մեր տեղեկություններով՝ Գրիգոր Գրիգորյանի թեկնածությունը պաշտպանում է անձամբ գեներալ Մանվել Գրիգորյանը, որն արդեն տեւական ժամանակ վատ հարաբերություններ ունի իր եղբորորդիների՝ Հրանտ եւ Զարզանդ Գրիգորյանների հետ:

Գրիգոր Գրիգորյանը որեւէ ազգակցական կապ չունի գեներալ Գրիգորյանի եւ նրա եղբորորդիների հետ, սա ազգանունների պատահական զուգադիպություն է: Սակայն մեզ հետ զրույցում նա հայտնեց, որ Հրանտ Գրիգորյանն իր երկու որդիների հարսանիքի քավորն է: Իսկ ինչո՞ւ է որոշել իր թեկնածությունն առաջադրել իր երեխաների քավորի եղբոր դեմ: «Ինչ է, իրավունք չունե՞մ: Համայնքի ընտրողների խնդրանքով եմ առաջադրվել, ես այս գյուղում 18 տարի գյուղապետ եմ եղել»,- ասում է Գրիգոր Գրիգորյանը: Իսկ հնարավո՞ր է, որ այդ առաջադրման պատճառն այն է, որ իր եւ գործող գյուղապետի միջեւ հակասություններ կան: «Ճիշտն ասած՝ ես դժգոհ եմ իրենց աշխատանքից: Իմ ժամանակ տնկված ծիրանի մեկ հեկտար այգին կտրեցին-բաժանեցին գյուղացիներին, գյուղում պետական միջոցներով ամբուլատորիա եւ ջրագիծ է կառուցվում, բայց վերագրում են իրենց»,-ասում է Գրիգոր Գրիգորյանը: Նա նշում է, որ ինքը 2008թ. մայիսին ինքնակամ հրաժարական է տվել գյուղապետի պաշտոնից՝ գյուղը թողնելով Զարզանդ Գրիգորյանին, եւ հիմա դժգոհ է այն վիճակից, որ ստեղծվել է նրա գործունեության չորս տարիների ընթացքում: «Բայց մենք գիտենք, որ Դուք այնքան էլ ինքնակամ չեք լքել գյուղապետի պաշտոնը, քանի որ եղել է քրեական գործ», մեր դիտարկմանը Գրիգոր Գրիգորյանը համաձայնեց, որ այդպիսի քրգործ եղել է:

Քրգործը կապված է եղել գյուղապետի պաշտոնում Գրիգոր Գրիգորյանի գործունեության հետ: Ըստ մեր տեղեկությունների՝ Գրիգորյանը համայնքի բյուջեից 127 մլն դրամ յուրացնելու մեղադրանքով դատապարտվել է վեցուկես տարվա ազատազրկման: Կալանավայրում երկու տարի անցկացնելուց հետո Գրիգորյանը համայնքին հասցված 60 մլն դրամը վերականգնել է եւ պարտավորագիր ստորագրել՝ ըստ կազմված ժամանակացույցի, 2010թ. նոյեմբերից մինչեւ 2013թ. վերականգնել մնացած 69 մլն-ն: Սակայն ազատության մեջ նա 2010թ. վճարել է  2 միլիոն դրամ, իսկ 2011թ. վճարելիք 24 մլն դրամից՝ ոչ մի լումա: Հիմա նա փորձում է կրկին վերադառնալ գյուղապետի պաշտոնին: Հասկանալի է, որ եթե դա նրան հաջողվի, ապա կկարողանա «ջրել» 67 միլիոնը:

Զարզանդ Գրիգորյանի հետ մեզ չհաջողվեց խոսել, բայց խոսեցինք նրա եղբոր՝ ԱԺ պատգամավոր Հրանտ Գրիգորյանի հետ:

 - Նախկին գյուղապետ Գրիգոր Գրիգորյանը Ձեր եղբորը մեղադրում է պետական ծրագրով իրականացված աշխատանքներն իրեն վերագրելու մեջ:

- Ես, որպես ԱԺ պատգամավոր, բյուջեի քննարկումների ժամանակ կառավարությանն առաջարկներ եմ ներկայացրել Արշալույսի հետ կապված որոշ ծրագրերի համար գումարներ հատկացնել: Եվ դա ոչ միայն իմ եղբոր՝ գյուղապետ աշխատած տարիներին, այլ նաեւ նույն Գրիգոր Գրիգորյանի օրոք: Օրինակ, իր գյուղապետության օրոք իրականացվել է Արշալույսի դպրոցի հիմնանորոգումը, որի համար հատկացվել է 77 մլն, գյուղի ջրհավաք կայանի նորոգումը՝ 55 մլն, մանկապարտեզի նորոգումը՝ 25 մլն: Չնայած այս երեք ծրագրերն էլ կատարվել են անորակ եւ թերի, գյուղապետ Գրիգոր Գրիգորյանը ստորագրել է կատարողական ակտերը: Ինչ վերաբերում է իմ եղբորը, ապա Զարզանդ Գրիգորյանը գյուղում իրականացված բոլոր աշխատանքներին մասնակցել է եւ ֆիզիկապես, եւ նյութապես: Գյուղում խմելու ջրի խողովակների վերանորոգման ժամանակ միայն 2 կմ ջրագիծ փոխվել է ծրագրի ֆինանսավորումից դուրս, մեր անմիջական աջակցությամբ:

- Իսկ ինչո՞ւ եք կտրել Գրիգոր Գրիգորյանի տնկած ծիրանի այգին:

- Այդ այգին համայնքինն է, եւ Գրիգորյան Գրիգորը դրա հիմնման հետ ոչ մի կապ չունի, այն 40 տարեկան էր: Այդ այգու ծառերի մի մասը կտրվել էր իր՝ գյուղապետ աշխատած տարիներին, իսկ մյուս մասը կտրվեց եւ, որպես վառելափայտ, բաժանվեց գյուղի անապահով ընտանիքներին: Բաժանվեց հանձնաժողովով, ոչ մի բողոք չի եղել: Նույն տարածքում հիմնել ենք նոր ծիրանի այգի, որն արդեն 3 տարեկան է:

- Գրիգոր Գրիգորյանն ասում է, որ Դուք իր տղաների հարսանիքի քավորն եք: Ինչո՞ւ է ստացվել այնպես, որ հիմա դարձել եք քաղաքական մրցակիցներ:

- Ճիշտ է ասել, որ իր տղաների քավորն եմ: Բայց ինչո՞ւ չի ասել, որ երբ երեք ամիս առաջ հայրս մահացել էր, ոչ ինքը, ոչ իր տղաները իմ դուռը չբացեցին, ինձ չցավակցեցին:

- Տեղեկություններ կան, որ Գրիգոր Գրիգորյանին ուղղորդել եւ պաշտպանում է ձեր հորեղբայրը՝ գեներալ Մանվել Գրիգորյանը:

- Իմ ունեցած տեղեկություններով՝ ոչ ուղղորդել է, ոչ էլ պաշտպանում է:

Ավետիս Բաբաջանյան

ԱՄԵՆԱԿԱՐԴԱՑՎՈՂ ՆՅՈՒԹԵՐԸ

• Անժելայի լուսանկարները` կրկին ինտերնետում: Բլոգեր Արգամ Ուստյանը տեղեկացնում է, որ դերասանուհի Անժելա Սարգսյանի պոռնոգրաֆիկ բնույթի լուսանկարները կրկին հասանելի են հատուկ Անժելայի անվամբ բացված կայքում: «Ամիսներ առաջ բացվեց մի կայք, որտեղ ներառված էին դերասանուհու  սկանդալային լուսանկարներ...
• Հովոյին ատի, որ դառնաս հայտնի: Վերջին անգամ, երբ անդրադարձել էինք Արթուր Գրիգորյանի հեռուստահարցազրույցին, բայց չէինք նշել, որ այն հեռարձակվել է «ATV» ալիքով, հաղորդավարներից մի քանիսը վրդովվել էին՝ իրենց տեղը չէին գտնում, ավել-պակաս թերթիս մասին բաներ էին գրում: Ասա՝ թե ի՞նչ կա ո...
• Ոստիկանապետը կփոխվի՟: Մեզ հասած տեղեկություններով` խորհրդարանական ընտրությունները դեռ չկայացած, նախագահականում գծագրել են կառավարության փոփոխություններն ընտրություններից հետո: Ըստ այդմ` իշխանությունները նախատեսում են պաշտպանության ներկայիս նախարար Սեյրան Օհանյանին բավական...
• «Վիա Գրա»-ի խայտառակությունը: ԱՊՀ երկրներում թերեւս ամենահայտնի փոփ խումբը` «Վիա Գրա»-ն, օրերս խայտառակ է եղել «Երկու աստղ» հեռուստաշոուի ժամանակ: Ծրագրին մասնակցող խմբի անդամ Ալբինա Ջանաբաեւան որոշել է բեմ դուրս գալ գործընկերուհիների հետ, սակայն ժյուրիի անդամներին չի բավարարել ն...
• Պոռնիկը: Սրճարանում: Երկուսով նստած են, Նամուսով աղջկա դիմաց դրված է նարնջի հյութ, Պոռնիկի դիմաց` սուրճ ու մոխրաման: Անցնող –դարձողը նայում է, հատկապես տղամարդիկ, մեկ մեկին, մեկ` մյուսին:   Նամուսով աղջիկը փորձում է կոնտակտի մեջ մտնել. Նամուսով աղջիկ._Հ...