Երգչուհի Սոնա Շահգելդյանը հերթական անգամ «փայլել» է իր ռուսալեզու հեռուստահարցազրույցով: Թերեւս շատերն են հիշում, թե անցած տարի «Նոր ալիք» երգի մրցույթում Սոնան ինչպես էր խոսում ռուսերեն. այդ տեսագրությունը «YouTube»-ում դիտվել է 183 հազար 235 անգամ: Իսկ օրերս երգչուհին եւս մեկ անակնկալ մատուցեց իր երկրպագուներին եւ առհասարակ բոլորիս: Դարձյալ «Նոր ալիք» մրցույթի շրջանակներում արդեն որպես հյուր հրավիրված Սոնա Շահգելդյանը փորձում է ռուսերենով բացատրել, թե անցած տարվա ստացած մրցանակը որտեղ է գտնվում:

Մեջբերենք Սոնայի խոսքերը բառացիորեն, առանց շտկումների. «Когда я вобше спать хочу, потом открываю глаза, я все время вижу, с…одну секундочку…в комнате»: Այլ կերպ ասած, երգչուհին փորձել է հասկացնել, որ մրցանակն իր ննջասենյակում է գտնվում (ռուսերեն՝ спалнья):

Այս տեսագրությունն ակտիվորեն քննարկվում էր «Ֆեյսբուք»-ում: «Եթե երրորդ դասարանցին ռուսերեն չհասկանա, ընդունելի է, բայց երբ 24-26-ամյա հայ երիտասարդները չեն տիրապետում ռուսերենին, դա ԱՆԳՐԱԳԻՏՈՒԹՅՈՒՆ Է: Դրանում հավասարապես մեղավոր են ծնողներն ու ավարտական ատեստատում նրանց 4-5 նշանակող ուսուցիչները»,- կարծում է Անժելա Բաբաջանյանը:

«Չէ, հաստատ ուրախ ենք ապրում, ուղղակի գլխի չենք ընկնում: Վարչապետն իր կողմից է ուրախացնում, նախարարը` իր, իսկ երգիչների մասին էլ չենք խոսում»,- գրում է Հեղինե Մուրադյանը: Նարինե Նազարյանն էլ փորձել է աջակցել Սոնային. «Հեչ պարտադիր չէ, որ նա ռուսերեն խոսել իմանա, ինչպես նաեւ անգլերեն, չինարեն… Նա հիանալի երգչուհի է: Իսկ ռուս երգիչները կարողանո՞ւմ են խոսել հայերեն: Մի քիչ սիրեք ձեր լեզուն, սեփականը…»:

Նարինեի հետ կարող էինք համաձայնել, եթե Սոնան համարձակվեր ռուս հաղորդավարին հենց այդպես խրոխտ հայտարարել, թե ինքը միայն հայերեն է խոսելու, եւ որ թարգմանիչ գտնելը նրանց խնդիրն է: Ի դեպ, անցյալ տարի հաղթելով մրցույթում, Սոնան 50 հազար եվրո մրցանակ էր ստացել, սակայն, ինչպես երեւում է, այդ գումարը կրթական նպատակներով չի ծախսել:

ԱՄԵՆԱԿԱՐԴԱՑՎՈՂ ՆՅՈՒԹԵՐԸ

• Ինչո՞ւ ենք հայտնվել այս գորշ իրավիճակում: Երբ պատերազմի բովով անցածներն անցնում են իշխանության գլուխ, դա ամենավտանգավորն է: Իշխանության մեջ ներմուծում են ամեն գնով հաղթելու, ճնշելու , պատժելու պատերազմական դաժան գործողությունները: Նման փաստի առաջ կանգնեց Հայաստանը, երբ Ռոբերտ Քոչարյանը, այնո...
• Նոր շներ են գալիս` նոր ախորժակներով: ԱԺ ընտրությունների, դրանց արդյունքների, հետընտրական գործընթացների շուրջ այս անգամ փորձեցինք զրուցել թատերական աշխարհի ու մի շարք թատրոնների գեղարվեստական ղեկավարների հետ, որոնց մեծ մասը չցանկացավ խոսել այս թեմայի շուրջ, բացառությամբ երկուսի՝ Ստանիսլա...
• Մաքուր մարդիկ ՀՀԿ-ին պետք չեն: Վիկտոր Դալլաքյանին երեկ չհաջողվեց բողոքարկել ընտրությունների արդյունքները եւ հասնել այն բանին, որ անվավեր ճանաչվի անկուսակցական փաստաբան Էդմոն Մարուքյանի պատգամավորությունը: Նման պահանջով նա երեկ դիմել էր թիվ 30 ընտրատարածքային հանձնաժողով՝ պատճառաբա...
• Ընտրակաշառք (լուսանկար): «Ֆեյսբուքի» օգտատեր Վարդինե Գրիգորյանն այս լուսանկարն է տարածել` հետեւյալ մեկնաբանությամբ. «Պարտք, որ վճարելու ենք բոլորս ու դեռ շաաատ երկար»...
• Էդիկ ջան, մի օր հերթը քեզ էլ կհասնի: Լրագրող Ծովինար Նազարյանը անդրադարձել է Էդուարդ Շարմազանովի հայտարարությանը, որը ներկայացնում ենք ստորեւ: Իմ վաղեմի բարեկամ Էդվարդ Շարմազանովը այսպիսի հայտարարություն է արել. «Բոլոր նրանք, ովքեր փորձում են իրենց պաշտպանության տակ առնել մեր հասա...