«Արմենիա» հեռուստաընկերությունում հերթական սկանդալն է: «Ո՞ւր է իմ տղամարդը» հեռուստասերիալի գլխավոր հերոսուհիներից մեկի դերակատարի` Անժելա Սարգսյանի լուսանկարները տարածել են համացանցում: Խոսքը հրապարակման ոչ ենթակա լուսանկարների մասին է, որոնք պարբերաբար տեղադրվում եւ հանվում են Անժելայի «Օդնոկլասնիկի» կայք-էջում: Անժելան ամուսնացած է եւ ունի մեկ երեխա:  Ըստ մեր տեղեկությունների՝ նկարները տեղադրում է Անժելայի նախկին ընկերը, որը պատժում է դերասանուհուն իրեն լքելու համար:

Մեր երկրում երբեք չեն հարգել ուրիշի անձնական կյանքը: Եվ զարմանալի չէ, որ  վերջին օրերին Անժելան դարձել է համընդհանուր քննարկման առարկա: Իսկ հայ հանրության մեջ կնոջը վարկաբեկելն ամենահեշտ բանն է: Եվ հեռուստաշոուբիզնեսի աշխարհում բոլորը քննարկում են, թե ինչ դիրքերում, քանի հոգու հետ է լուսանկարվել դերասանուհին: Փսփսում են, որ կա նաեւ շատ ավելի «սարսափելի» վիդեոտարբերակ, եւ ովքեր դրանք դեռ չեն տեսել` ակտիվորեն համացանցն են փորփրում: Երեկ «Google.am»-ում Անժելա Սարգսյանն ամենափնտրված անունն էր:

Սակայն մեր հասարակության քիչ թե շատ քաղաքակիրթ հատվածը ոչ միայն խղճում է Անժելային եւ նրա ընտանիքը, այլեւ մեղադրում այն ոչնչությանը, որը տեղադրել է լուսանկարները: Բայց կեղծ «բարոյականների» մի մեծ զանգված փորձում է օգտվել հարմար առիթից եւ երես է թեքել աղջկանից: «Գողական» տղերքը փորձում են նրա համարն իմանալ: «Ճիշտ» աղջկերքը բամբասում են: Իսկ վերը նշված սերիալի նրա գործընկերուհիները` Անին, Ագնեսն ու Գայանեն, չնայած հրեշտակների շարքում երբեք չեն եղել, սակայն, մեր տեղեկություններով, որոշել են վերջնականապես ոչնչացնել իրենց նախկին ընկերուհուն:

Այդ երեք` թող ների ինձ Կոնստանտին Սերգեեւիչ Ստանիսլավսկին, դերասանուհիներն իրենց ղեկավարության առաջ պայման են դրել, թե այլեւս չեն նկարվի Անժելայի նման «անբարոյականի» հետ: Ասել են, թե չեն ուզում, որ իրենց անունները կապվեն նրա անվան հետ: Մի փոքր խորանալով պարզեցինք, որ աղջիկների վրդովմունքն ունի շատ ավելի խորը պատճառներ: Սերիալում նկարվելու մասին պայմանագրեր կնքելիս այնպես է ստացվել, որ Անժելան միաժամանակ մի քանի առաջարկ է ունեցել, եւ այդ պատճառով «Արմենիան» մյուս աղջիկների համեմատ նրան բավականին բարձր աշխատավարձ է խոստացել: Բացի դրանից, Անժելան նկարահանվում է նաեւ Հայկո-Մկոյի հայտնի «Կարգին սերիալում»: Ի վերջո, գուցե կանացի նախանձն էլ իր գործն է արել, ու որոշել են «Լինչի դատաստան» տեսնել:

Երեկ մենք կարողացանք պարզել, որ չնայած այս սկանդալին, Անժելան կշարունակի նկարահանվել «Կարգին սերիալում», իսկ կնկարահանվի՞ արդյոք սերիալում, կընկրկի՞ արդյոք «Արմենիայի» ղեկավարությունը «բարոյական» ճնշումների առաջ, պարզել չհաջողվեց:

Անի Առաքելյան

ԱՄԵՆԱԿԱՐԴԱՑՎՈՂ ՆՅՈՒԹԵՐԸ

• Ինչո՞ւ ենք հայտնվել այս գորշ իրավիճակում: Երբ պատերազմի բովով անցածներն անցնում են իշխանության գլուխ, դա ամենավտանգավորն է: Իշխանության մեջ ներմուծում են ամեն գնով հաղթելու, ճնշելու , պատժելու պատերազմական դաժան գործողությունները: Նման փաստի առաջ կանգնեց Հայաստանը, երբ Ռոբերտ Քոչարյանը, այնո...
• Նոր շներ են գալիս` նոր ախորժակներով: ԱԺ ընտրությունների, դրանց արդյունքների, հետընտրական գործընթացների շուրջ այս անգամ փորձեցինք զրուցել թատերական աշխարհի ու մի շարք թատրոնների գեղարվեստական ղեկավարների հետ, որոնց մեծ մասը չցանկացավ խոսել այս թեմայի շուրջ, բացառությամբ երկուսի՝ Ստանիսլա...
• Մաքուր մարդիկ ՀՀԿ-ին պետք չեն: Վիկտոր Դալլաքյանին երեկ չհաջողվեց բողոքարկել ընտրությունների արդյունքները եւ հասնել այն բանին, որ անվավեր ճանաչվի անկուսակցական փաստաբան Էդմոն Մարուքյանի պատգամավորությունը: Նման պահանջով նա երեկ դիմել էր թիվ 30 ընտրատարածքային հանձնաժողով՝ պատճառաբա...
• Ընտրակաշառք (լուսանկար): «Ֆեյսբուքի» օգտատեր Վարդինե Գրիգորյանն այս լուսանկարն է տարածել` հետեւյալ մեկնաբանությամբ. «Պարտք, որ վճարելու ենք բոլորս ու դեռ շաաատ երկար»...
• Էդիկ ջան, մի օր հերթը քեզ էլ կհասնի: Լրագրող Ծովինար Նազարյանը անդրադարձել է Էդուարդ Շարմազանովի հայտարարությանը, որը ներկայացնում ենք ստորեւ: Իմ վաղեմի բարեկամ Էդվարդ Շարմազանովը այսպիսի հայտարարություն է արել. «Բոլոր նրանք, ովքեր փորձում են իրենց պաշտպանության տակ առնել մեր հասա...