Fog
-5 °C

Գործում բացահայտ կոռուպցիայի հետքեր կան

12/08/2011 | ՀԱՍԱՐԱԿՈՒԹՅՈՒՆ

ՀՀ նախագահ Սերժ Սարգսյանին, ՀՀ գլխավոր դատախազ Աղվան Հովսեփյանին, ՊԵԿ-ի նախագահ Գագիկ Խաչատրյանին, ՀՀ Արդարադատության  նախարար Հրայր Թովմասյանին,  ՀՀ  Ոստիկանապետ Ալիկ Սարգսյանին, ԱՄՆ քաղաքացի, ՀՀ-ում Կացության հատուկ Կարգավիճակ ունեցող Էդմոնդ Արշակի Խուդյանից

Հարգելի պարոնայք,

Ափսոսանքով եմ հայտնում, որ ամիսներ առաջ Մաշտոց 33/1 եւ Մաշտոց 33/ա շենքերի վերաբերյալ Ձեզ ուղղված իմ պաշտոնական հաղորդումները մատնվեցին բացարձակ անուշադրության, եւ անգործության արդյունքում կազմակարպված մի խմբի (Էդուարդ Եսայան, Վլադ Մանգասարյան, Ղեւոնդ Ղալումյան, հարկայինի պետ, սնանկության գործով կառավարիչ Հրանտ Ղամբարյան, դատավորներ, փաստաբաններ, հաշվապահ) հաջողվեց իմ կողմից հիմնադրած «Արին կապիտալ» ներդրումային ՍՊ ընկերությունից անհայտացնել առնվազն $5,600,000-ի անշարժ գույք: Ավելինև ՊԵԿ-ի աշխատակցի (նախկին Սպանդարյանի հարկային պետ` Արտակ Ղուկասյան) ջանքերով եւ կազմակերպված խմբի համատեղ աշխատանքներով 2010թ. սեպտեմբերին ընկերության տարածքների վրա դրված դատարանի արգելանքը «ժամանակավորապես չկիրառվեց», եւ նոր տարածքներ վաճառվեցին:

Ամիսներ շարունակ տեղից չշարժվող 83159711 քրեական  գործը մեկ ամիս առաջ «տեղափոխվել է» ՊԵԿ-ի մեկ այլ քննիչի՝ Տիգրան Հարությունյանի մոտ եւ դեռեւս հայտնի չէ նրա եւ «վերեւների» բռնած դիրքը հանցագործությունները բացահայտելու հարցում: Բացահայտել կնշանակի անուներ առաջ քաշել, մեղադրանքներ առաջադրել: Իսկ հետքերը տանում են վերեւներ, գուցեւ ամենավերեւները եւ նրանց ազդեցությունը թույլ չի տալիս այս խմբակային հանցագործության բացահայտումը:

Իմ ներդրումների եւ Վլադ Մանգասարյանի հետ գործնական հարաբերություններ ունի ՀՀ Նախագահի եղբայր Լեւոն Սարգսյանը եւ նրա կապերը Վլադ Մանգասարյանի (խմբի կազմակերպչի) հետ խորն ու մութ են: Վլադ Մանգասարյանը կառավարական բարձրաստիճան պաշտոնյաների (օրինակ’ փոխոստիկանապետ Գարիկ Գաբրիելյանի) հետ շենքում բազմաթիվ մութ գործարքներ են իրականացրել եւ քրեական մարմինները մինչ օրս աշխատանք են տարել քրեական գործերը ավելի շատ քողարկելու, քան թե բացահայտելու համար:

Հետեւապես, կրկին ձեզ դիմելով, խնդրում եւ պահանջում եմ անմիջապես միջոցներ ձեռնարկել այս քրեական գործին օրենքի սահմաններում լիարժեք ընթացք տալու, հանցագործ խմբին պատասխանատվության ենթարկելու եւ ընկերության թալանված տարածքները վերադարձնելու համար: Քանի որ այս գործում բացահայտ կոռուպցիայի հետքեր կան եւ այն արդեն մատնվել է «անուշադրության» հետեւաբար այս նամակի անգլերեն թարգմանությունը  կուղարկվի նաեւ ԱՄՆ Պետ Դեպարտամենտ, մարդու իրավունքների քարտուղար Պր. Թոմաս Մելիային, ԵվրոՄիության Պարլամենտի ներկայացուցիչներ Աքսել Ֆիշերին, Ջոն Պրեսկոտին, եւ Թոմաս Համմարբերգին, Հայաստանում ԱՄՆ դեսպանատան ներկայացուցիչ Մեյգան Բուլդինին, Թրանսպարենս Ինտերնեյշնալ հակա-կոռուպցիոն կենտորնին Բրյուսելում, Լոս Անջելես Թայմս թերթի խմբագիր Դան Էվանսին:

Էդմոնդ Խուդյան, Գլենդեյլ, ԱՄՆ

|  | 

Comments are closed.