Clear
-6 °C

Հայաստան-Իռլանդիա. ֆավորիտը հյուրերն են

01/09/2010 | ՍՊՈՐՏ/ՇՈՈՒԲԻԶ

Միջազգային բուքմեյքերական գրասենյակները սկսել են խաղադրույքներ վերցնել սեպտեմբերի 3-ին կայանալիք Հայաստան-Իռլանդիա հանդիպման համար։ Բուքմեյքերները նախապատվությունը տալիս են հյուրերին, որոնք աշխարհի 2010 թ. առաջնության ընտրական փուլում բավական վստահ ելույթ ունեցան և միայն փլեյ-օֆֆում Անրիի ձեռքով խփած գոլի շնորհիվ Ֆրանսիան կարողացավ փակել Իռլանդիայի ճանապարհը։

«Եվրո-2012»-ի ընտրական փուլի մեկնարկային խաղում Հայաստանի հավաքականի հաղթանակի համար սահմանվել է 5.60 գործակից։ Ոչ-ոքիի վրա խաղադրույքներ են ընդունվում 3.35 գործակցով։ Իռլանդիայի հաղթանակի գործակիցը կազմել է 1.70։

Ամենահավանականը համարվում է Իռլանդիայի 1։0 հաշվով հաղթանակը, որի համար սահմանվել է 5.00 գործակից։

Հիշեցնենք, որ Հայաստանի և Իռլանդիայի ազգային հավաքականներն առաջին անգամ են հանդիպելու միմյանց հետ։
Ինչպես հայտնում է armsport.am-ը, Իռլանդիայի ազգային հավաքականը Երևան կուղևորվի չարտերային չվերթով Դուբլինի ժամանակով 02:30 և «Զվարթնոց» միջազգային օդանավակայան կժամանի Երևանի ժամանակով 11:40:
Իռլանդական Independent-ի թղթակից Դանիել ՄակԴոնելը հատուկ իռլանդացի ֆուտբոլիստների համար պարզել է, թե ինչպես է հայերենով հնչում շնորհավորանքը. «’Sh’norhavor lini’ նշանակում է «Շնորհավորում եմ»: Սա այն արտահայտությունն է, որը իռլանդացի ֆուտբոլիստները ցանկանում են լսել Երևանի օդանավակայանում ուրբաթ օրը իրենց հայրենիք վերադառնալիս…»:
Միևնույն ժամանակ, եթե հավատանք պաշոնական հայտարարություններին, ապա Ջովանի Տրապատոնիի թիմում վնասվածքների հարցը շատ լուրջ է. 13 ֆուտբոլիստներ տարբեր աստիճանի վնասվածքներ են ստացել` Ռիչարդ Դան, Շոն Լեջեր, Դարեն Օ’դի, Կեյտ Էնդրյուս, Գլեն Ուիլան, Լայամ Լոուրենս, Էյդեն ՄակԳիդի, Դամիեն Դաֆ, Կետ Թրեյսի, Կեվին Դոյլ, Ռոբի Կին, Շեյն Լոնգ:

Tert.am

|  | 

Comments are closed.